Page 18 - FDLP
P. 18
Diahuebs ultimo, Aruba Badminton Federation a celebra e hecho cu nan a haya nan
prome Shuttle Feeder Machine, bao di auspicio di Subsidie Commissie y Lotto pa
Deporte. Minister di Deporte Dangui Oduber tabata tey presente durante e lansamento di
e mashin.
Robert Nieuw ta e presidente di e bond y a splica e mashin aki ta specialmente pa e
miembronan di e bond, como tambe hubentud. Cu esaki, Nieuw ta gradici Subsidie
Commissie cu a yuda tremendamente cu e proyecto aki y tambe tur otro instancia manera
COA y ASU, caminda tur por a coopera pa yega asina leu di haya e mashin aki cu ta un
oportunidad unico den Caribe. E federacion ta e prome pa haya e mashin aki den e region
aki.
Aruba ta prome den Caribe cu tin un shuttle feeder di badminton. Brasil ta e unico pais cu
tin 4 mashin.
KICO E MASHIN TA HACI
E mashin ta tira e shuttle pa e hungado y e speed por vari’e. E tin 28 diferente setting.
Esey ta automatico y por haci’e manualmente tambe. E shuttle di mas lihe cu e por tira ta
140 kilometer pa ora y ta tira cada 1.2 seconde.
Vooral pa e hobennan, e ta un tremendo ekipo. E ta masha bon mes pasobra e coach mes
no mester worry pa tira e shuttle. E mashin ta haci e trabao eynan p’e. E coach ta esun
kico e hungado ta haci fout, kico e ta haci bon, etc. Esey ta e bentaha cu e mashin aki tin.
E mashin ta bastante costoso, pero e federacion ta hopi contento cu e mashin aki.
