Page 30 - min.ttc 18 feb,2016

16 AWEMainta Diahuebs, 18 Februari 2016

Parlamentario Jennifer Arends-Reyes:

Comision di
turismo a reuni cu
AHATA pa discuti
planes pa 2016

SEGUN SRA. Arends-Reyes, den calidad di Presidente di Comision di

Turismo ta splica cu recientemente a reuni cu AHATA den un reunion
combina cu comision di Innovacion y Sostenibilidad.

“AHATA (Aruba Hotel and Tourism Association) ta un di e stakeholdernan
principal den turismo y sigur den e cuadro aki pa comision fiho di turismo
tambe.
Tur aña segun planificacion di aña ta sinta na mesa cu AHATA den
cuminsamento di aña pa nan splica nan business plan pa 2016 y tambe
pa nan trece dilanti nan preocupacionan of sugerencia riba diferente
aspecto.

Durante ultimo tempo, e mercado di hotelnan a haya bastante
competencia di un trend cu ta pasando internacionalmente cu ta e
scogencia pa ‘other accomodations’. Turismo ta keda dinamico y mester
keda evalua y adapta.
Hopi pregunta a ser treci dilanti di miembronan y na final e tabata un
reunion sumamente fructifero cu a bay den bon ambiente.
Tambe e comision a haya un presentacion y bista riba e parti di
Innovacion den Divi Hotels, caminda cu nan ta un di e cadenanan cu
ta lidera den uzo y promocion di energia renobabel pa cu hotels. Asina
contribuyendo mas den e parti di ‘smaller carbon footprint’.

E meta pa Parlamentarionan keda bon informa di e punto di bista y
desaroyonan den turismo nos pilar economico a keda subraya un biaha
mas. Hopi punto di discusion ta hayando atencion di Parlamento por
medio di reunionan, preguntanan y mocionan.
Asina Parlamento ta cerca di e desaroyonan y por haci un diferencia real
na momento di tuma decisionnan.
Comision fiho di Parlamento lo sigui reuni durante aña cu mas
stakeholder y den caso cu ta necesario lo reuni mas biaha cu AHATA
pa diferente topico lo cual tabata e caso aña pasa”, sra. Arends-Reyes a
duna di conoce.