Page 22 - LOTTO

Despues ta evalua esaki, si tin cos a bay bon, bo ta prolongu’e cu cinco aña mas. Pero den

e caso di LTP ta compronde y a pidi tur statuto, a pidi tur contract tambe pa revisa

esakinan. Nan a firma un contract pa 15 aña cual ta algo inusual. Ta mesun contract cu bo

ta firma ora di hedging. Normalmente bo ta firma un contracto pa 3 luna, pero e Gobierno

anterior a firma un contract pa 2 aña. Den tur sentido di palabra tabata un gobierno

iresponsabel, pero den e caso specifico di Lotto a ricibi un carta tambe di CBN, cu nan

tambe tin interes pa sinta cu e minister nobo di deporte, pa duna un splicacion riba e
contracto y nan intension y logicamente ta habri pa sinta cu e director di Lotto Pa Deporte

tambe pa haya su banda di medaya si su argumentonan ta hustifica e decisionnan cu a

wordo tuma pa Lotto pa Deporte. Si analisa kico a hereda pa LTP, mester hopi splicacion

pa convence e mandatario e motibo pa tanto cambio cu a tuma luga diripente. Tabata tin

8 aña largo pa haci cambionan desea y dia 21 di September, bo ta ehecuta e cambionan

aki y bo sa cu eleccion ta dia 22 di September. Kico a strobabo durante 8 aña pa haci e

cambionan cu abo tabata desea. Decisionnan asina, ta wordo yama decisionnan di mala

fe. Pesey ta bay reuni cu e director pa e duna su banda di medaya y reuni tambe cu CBN

pa mira ki espacio tin pa sea kibra e contract aki, anul’e of renegosha pa deporte por haya

mas placa, pasobra esey ta e intencion di e ministerio aki pa deporte haya mas placa.