Page 4 - HOH

DIALUNA 15 APRIL 2024 DIARIO PAGINA 9
Pensionadonan
residencia na Aruba
cu ta ricibi AOV di
SVB Curacao ta hopi
ansioso pa e caso
culmina positivamente
ORANJESTAD (AAN) E
grupo di pensionadonan biba
na Aruba cu ta ricibi AOV di
SVB Curacao, y cual suma
a wordo corta cu 10% desde
aña 2017 y desde 2016 ya
caba a perde nan Bonus di
Pasco (cu por cierto nan ta-
bata haya e suma completo),
ta hopi pendiente y ansioso
pa haya sa kico lo ta e resul-
tado final. Asina algun di nan
a comenta na redaccion di
DIARIO e dianan aki.
Manera DIARIO a trece di-
lanti, den su edicion di Dia-
bierna 12 di April, riba front
page, e pensionadonan aki a
entrega na Corte di Curacao,
un “Verklaring voor recht”
pa medio di Abogado David
Kock cu e motibo principal
di hiba SVB Curacao dilanti
Huez, pa reclama e recorte di
10% riba e suma y e restitu-
cion di nan Bonus di Pasco.
E caso a tuma lugar dia 25
di Maart cu a pasa, unda e
abogadonan di SVB Curacao
a pidi Corte pa wanta e caso
pa un contesta, y esaki mester
ta cla pa dia 29 di April.
Informacion adicional cu
DIARIO a haya di bon fu-
ente, ta indica cu un reunion
entre e abogadonan cu a trata
e caso y Minister concerni cu
SVB Curacao lo tuma lugar
Dialuna 29 di April mes.
Nan tin hopi confianza den
e Comision encarga cu e caso
aki y den Abogado David
Kock, y tur ta spera haya un
noticia positivo, y DIARIO
tambe ta pendiente y ansioso
pa e resolucion di e caso inte-
resante aki, cu tin mas cu un
aña caba cu e lucha pa haci
husticia a cuminza tuma lu-
gar.

Polis di Bario a sigui curso

exitoso duna na Miami
ORANJESTAD (AAN): Recientemente 4 polis di bar-
io a sigui un curso basta intensivo y a logra cabe cu exito.
Presente tambe durante e entregamento di e certificado tabata
altocomisario sr Ramon Arnhem. “Mi ta masha orguyoso cu
mi coleganan a logra finalisa e curso cu exito. el a exigi hopi di
cada un di nan, door cu ademas di nan trabao diario nan mester a
combine cu nan estudio. Nan mester a haci investigacion como
tambe sigui lesnan y haci e parti examen practico tambe. Pabien
na cada un colega. “Esaki ta e parti di e plan strategico pa cu
e Community Policing. Esaki kiermen polis lo ta mas cerca di
e communidad como tambe e networkspartners,” ta loke Alto-
comisario sr Arnhem a declara.
DIARIO a compronde cu varios Polis di Bario (conoci como
‘Regisor di Bario’) a atende e training di Community Policing
aki na Miami. A bay tambe oficialnan di Curaçao, Bonaire, y
St. Maarten. E ceremonia final a tuma lugar na North Campus
di Miami Dade College.