Page 17 - WEB

*Na 2018 DIARIO a splica Aruba loke awe a bira realidad

Na 2018 Citgo mester a habri su porta na
Aruba. For di 2016 pueblo di Aruba tabata baila den e promesanan di gobierno Mike
Eman cu na 2018 economia di Aruba lo a crece cu 15 porciento ora Citgo Aruba lo a

habri su porta na 2018.

Na inicio di e aña cu mester a trece magia Aruba, regimen Nicolas Maduro tabata busca

un refugio pa su dirigentenan den Citgo cu tabata careda ya cu Merca a deshaci di nan
Visa. Asdrubal Chavez a yega Aruba cu e anuncio, cu Aruba lo a bira centro nobo di
Citgo.

Aruba ta bendiciona y Aruba, den e crisis enorme cu el a wordo pusha dor di gabinete

Mike Eman, nunca a conoce e momento cu el a bira centro operacional di Citgo.

Autoridadnan di Merca y cantidad di otro pais importante na Merca, tabata sigui cu

investigacionnan for di 2015 ora ya sospechosonan di circulo directo di Citgo, tabata
admiti nan culpabilidad den crimen dilanti Huesnan.

E situacion di Aruba a haya un gravedad asina grandi cu na 2018, DIARIO a duna inicio
na un investigacion completamente nobo di e proyecto. Den uno di e prome

resultadonan di e investigacion, DIARIO a publica e berdad di momento di Citgo cu
tabata centro di politica internacional.

Practicamente mita di Citgo tabata den man di Rusia y e resto den man di companianan
priva di Merca.

Esaki tabata posibel pa e simpel motibo cu mientras Aruba tabata baila pasobra e
gobierno di Mike Eman y Mike de Meza tabata negocia cu Nicolas Maduro, Rusia a haya

casi mita di Citgo como borg. Esaki a implica cu Rusia a haya poder economico den
curason di Merca.

Na momento cu Aruba a firma e acuerdo di Citgo y e pais tabata baila, Aruba tabata
parti di un escenario nobo cu tabata desaroya entre Merca y Rusia.