Page 11 - ATA
P. 11
Den e curazon di e desierto Sonora unico, Tucson ta orguyoso di por brinda biaheronan
di Midwest e oportunidad pa experencia activitadnan den naturaleza for di coremento
di bicicleta y subiendo seronan te na hunga golf of relaha banda di piscina. Anochi, e
ciudad tin un escena creciente di arte, cuminda y entretenimento. Tucson ta Sun
Country su di 2 destinacion den Arizona.
“Arizona ta un destinacion turistico popular pa biaheronan di Midwest y nos ta
sumamente contento pa anjadi e cultura y arte di Tucson na e servicio pa Phoenix”,
Erani ta bisa. “Nos ta ansioso pa bula pa Tucson International Airport ora nos
biaheronan bishita un ciudad cu continuamente ta crece den Arizona su clima di
desierto.”
“Nos ta contento di ricibi Sun Country Airliens na Tucson International Airport,“ segun
Bonnie Allin, Presidente y CEO di Tucson Airport Authority. “Nos ta especialmente
sperando di por yama bon bini na mas hende for di Minnesota na nos desierto sur di
Arizona y di disfruta di nos solo den winter.”
Paketenan di buelo y hotel pa tur dos destinacion lo ta disponibel na Sun Country
Vacations. Ademas, Sun Country su winter schedule pa tur destinacion ta disponbel
awor aki pa cumpra pa fechanan di vuelo te cu April 2018.
