Page 45 - JUS
P. 45
Como parti di e manisfestacion mayornan a urgi Gobierno pa duna claridad den
e caso y pa husticia conta pa un y tur. “Den Parlamento awe mi a urgi e Minister
pa duna claridad pa trece paz p’e famianan.
Pero mas aun, mi a puntra e Minister pa comparti cu Parlamento kico tur a bay
fout y con nos lo garantisa cu e erornan ey no wordo ripiti. Lamentablemente e
mandatario a recuri na politica di nivel baho y no kier a atende cu e topico.
Minister Arthur Dowers a prefera di ataca Parlamentarionan Guillfred Besaril y
Andin Bikker, enbes di contesta nos preguntanan. Hasta a publica noticianan
falso riba facebook cu oposicion lo no tabata presente siendo cu noa tabatey
durante henter e reunion.
Ta tristo pa mira e nivel infantil di e Minister. Ta obvio cu esaki ta un di su
ultimo presentacion den Parlamento mirando cu e fin di su carera ta yegando.
Na final mi a urgi e Minister pa por fabor haci maske ta un poco esfuerso pa
combati criminalidad.
P’e stop di perde tempo ta discuti cu su ex colega di partido POR ken a baha
bandera di ken, pasobra esey no ta yuda Aruba. Pa nos ta importante pa haya
claridad den e caso di e accidente fatal di mucha di 12 aña.
