Page 20 - WEB

Prof. dr. Ganzevoort a forma parti di e delegacion Hulandes durante e reunionnan di

IPKO cu a tuma lugar durante e ultimo tres dianan na Aruba. No ta su prome bes na

Aruba, pero pa ta un biaha mas aki ta pa Ganzevoort un reencuentro placentero cu e isla y

su hendenan. “Pa mi ta interesante pa por a cera conoci cu mayoria di e hendenan nobo

den Parlamento di Aruba y pa hunto cu e otronan cuminsa traha riba e retonan nos

dilanti.”

Di nan bishita na e proyectonan entre otro renobacion di dr. HOH y e planta di algae na

Citgo e tabata masha satisfecho. “Sin duda e proyectonan aki ta retonan grandi pa Aruba.

E planta di micro algae ta formidabel y ta e vision di Aruba cu pa varios aña caba ta cana

dilanti pa loke ta energia berde. Durante IPKO nos a bisa tambe cu e desaroyo di e

metanan di sostenibilidad ta algo cu nos mester pone atencion na dje. Eynan e reto berde

ta hunga un rol grandi.”

E crisis andando na Venezuela a haya hopi atencion di e delegacion Hulandes. “E siman

aki nos a manda un carta pa Minister di Reino di Asuntonan Exterior encuanto e situacion

na Venezuela. Nos a haya contesta caba di dje riba e topico aki. Nos mester percura pa e

riesgonan ta minimal y esey ta exigi cooperacion di henter Reino.” Fin di luna di mei tin

e siguiente reunion di IPKO y eynan lo mira con a sigui cu e metanan di sostenibilidad, e
situacion na Venezuela , e relacionnan dentro di Reino y cua ta e pasonan pa tuma. Nos

tin algun pregunta pa e diferente gobiernonan y wak con paso a paso nos ta sigui.

Gobiernonan ta esnan cu mester guia e proceso y cada parlamento ta controla su propio

gobierno.”