Page 26 - WEB

Renny Arends A Bira Director Interino Pa Maneha

RdA Temporalmente

 Local
- 10/10/2019

Mientras lo negocia cu e gruponan interesa manera ta conoci e Gobierno aki a laga haci
un investigacion forensico di e compania Refineria di Aruba (RDA). Pesey probechando
di e conferencia di prensa di Prome Minister Evelyn Wever-Croes a puntra e mandatario
con leu e investigacion aki ta of si el a keda cla.

E investigacion forensico aparentemento no a termina aki, pasobra Gobierno te cu ayera
no a haya ningun raport ainda, maske cu e palabracion tabata cu lo keda cla na september.
Awe nos ta algun dia caba den october y Prome Minister Wever-Croes a duna di conoce
cu e lo bay pone presion awor pa haya dicho raport. Sigur asina cu e haya e raport, e lo
comparti esaki cu pueblo.

Manera ta conoci, a surgi un diferencia di opinion entre Prome Minister Evelyn Wever-
Croes y e Director General di Refineria di Aruba, Alvin Koolman, pero no a tende nada
mas ken Gobierno a nombra como re-emplasante di Koolman.

Sigur cu a nombra un persona di e compania mes, kende a keda apunta temporal cu
maneho y ta sr. Arends, kende ta keda encarga cu e maneho diario, te ora cu tuma un
decision definitivo.