Page 62 - MIN.TTC 17 OCT,2015

Pierre Rafini di ABA: Elimina e-mailnan dudoso cu ta pidi username y
password
Friday, 16 October 2015 20:03

Comparti

Pierre Rafini, presidente di Asociacion di Banconan, durante entrevista a comenta riba e advertencia cu
nan kier manda mirando e fenomeno di hacking. Por corda algun luna pasa, e cuestion di hacking tabata
den noticia.

Tabata tin banconan cu a sufri bao di esaki y caminda cu e sistema di e cliente ta wordo gehack. No ta e
sistema di e banconan ta wordo gehack, ta e computer, e laptop di e cliente ta wordo gehack. E hacker ta
traha hopi biaha ora e cliente ta drumi y haci transaccion. E hacker ta sinta drumi warda te ora e cu e
cliente dun’e acceso pa e drenta su cuenta. Naturalmente, door cu e tin tur e informacion di e cliente caba,
con pa drenta den e sistema bancario di e cliente na cas y ta saca e placa for di esaki. Asociacion di Banco
kier bin cu un campaña pa conscientisa pa pone tur hende ta na altura con nan por evita cu e clientenan ta
bira victima y haci e hacker su bida mas imposibel pa haya acceso na informacionnan priva di e cliente.
Vooral ora ta concerni ora di yega na nan cuentanan bancario.

Esaki no ta sosode hopi, pero si el a sosode. Hopi biaha clientenan ta mira esaki hopi laat segun Pierre
Rafini. Hopi biaha ora ta pendiente pa un placa drenta ta core bay mira si e placa t’ey. Na Aruba hopi
biaha ta uza e sistema na fin di luna, ora cu tin cu haci pago. Fuera di esey, no ta us’e tur dia. Ta duna
espacio e ora ey pa hendenan cu menos bon intencion drenta den bo sistema, saca e placa prome cu kier
realisa fin di luna, ora bay wak riba cuenta of ora bay na e ATM pa lanta placa, ta ripara e ora ey cu falta
placa. E ora ey ta bay subi e cuenta y ta bay ripara cu riba e dia prome of dos dia prome a lanta e placa y a
bay cun’e. Un control ta bon pa un cliente haci segun Pierre Rafini.

Clientenan mester ta atento pa ki ora identifica e-mailnan manera por ehempel cu no ta legitimo. segun
Pierre Rafini. Hopi biaha nan ta bisa cu a haya e e-mail di banco. E e-mail adres ta un fout. Si e banco tin
un nomber di un banco ta City, nan ta skirbi’e como citty. Nan ta mira info@citty, y e e-mail ta bisa cu ta
cambia sistema y tin cu pone username y password di nobo pa asina por reactiva e cuenta of pa anochi ora
di caba di haci un mayor upgrade, por tin acceso na e sistema bancario. E ora e cliente no ta paga tino cu e
e-mail. Tin informacion via e-mail cu ta wordo manda cu mester tene cuenta cun’e. Ta importante segun e
presidente di Asociacion di Banconan. Mester mira bon pa un e-mail no ta uno eroneo. Nan nunca como
banco ta pidi password via e-mail of telefon. Un e-mail dudoso mester delete mesora.

Esey ta un alerta pa tur cliente pa ora cu nan haya e-mail di nan banco, caminda cu ta pidi nan pa duna
username, password, e-mail, pa asina por yuda of ta bezig cu un upgrade pa operacionnan of acceso na
cuenta no wordo limita, lubida riba dje. No bay den e trampa pasobra hopi biaha esey ta maneranan cu e
hackernan ta traha, Rafini a splica.