Page 66 - MIN ECEM

Aeropuerto ya caba ta bezig cu nan poryecto Gateway 2030

Tuesday, 16 May 2017 20:31
Comparti

A papia cu Jurgen Benschop, kende a conta di inversionnan cu aeropuerto ta haciendo pa
expansion, etc. con leu nos ta awe y con lihe e plannan aki lo cana.

El a comenta cu awor aki nan ta bezig cu e proyecto gateway 2030, manera cu nan ta yame, cu
ta plannan pa expande aeropuerto. E ultimo expansion tabata Beatrix 2000, tabata data di aña
1999/2000, cu ta 17 aña cu aeropuerto a wordo expandi. Eigenlijk por mira cu aeropuerto a
crece, volumen a crece y locual cu a premira e tempo ey, a surpasa caba tanto den categoria di
pasahero y categoria di plataforma pa para avion. E plan strategico Gateway 2030, crecemento
pa e proximo 15 pa 20 aña nos dilanti, caminda cu por garantisa cu strategicamente por
expande e aeropuerto pa por cumpli cu e demandanan cu tin dilanti y mehora e servicio
tambe. Garantissa calidad y servicio pa tur usuario.

Kico mester tene cuenta cune

Segun Benschop, aeropuerto ta keda habri regularmente, kiermen no por cera aeropuerto pa
construi. Esey kiermen cu mester bin cu un tipo di construccion cu ta bay tuma luga mey mey
di e area operacional y pesey ta trahando cu tur usuario tambe cu lo forma parti di e proceso
aki, pa por haya nan cooperacion durante e periodo aki, pa por haci e trabao mas eficiente
posibel.

Banda banda

E expansion lo cuminsa di e check-in area, di e parti Mericano, cu lo bira un check-in hall
comun pa tur vuelo internacional y pa Merca. Un sistema avansa pa handle cu e maletanan. Pa
screen, conveyor system hopi modernisa, e sistema mes ta separa e maletanan cu ta bay
direccion Merca y e maletanan cu ta bay otro direccion. Basa riba esey e pasaheronan por yega
hopi mas lihe pa loke ta e consesion area y despues pa nan gate, caminda cu lo bay tin hopi
mas producto y dedica specialmente na e necesidad di e pasaheronan.

Pakico inversionnan

No kier expande mucho lihe, pasobra una bes inverti, ta keda pega cu e gastonan. Si no tin
pasahero pa cubri e gastonan cu tin, pa un aeropuerto no ta eficiente. Ta purba di wak ki ora ta
e miho ora pa inverti. Awor aki a wak cu e cifranan dos aña tras di otro a surpasa e capacidad