Page 7 - MIN ECEM
P. 7
18 AWEMainta Diaranson, 17 Mei 2017
Minister di Asunto Economico y Comunicacion, DIASABRA atardi Minister di Asunto Eco-
Richard Arends ta felicita ganador di Hackathon Oranjestad
nomico y Comunicacion mr. Richard Arends a
Siguiente paso t’e financiamento anuncia personalmente e ganador di e competen-
y implementacion di e ideanan cia ‘Hackathon Oranjestad’.
E evento organisa p’e Ministerio aki hunto cu
Camara di Comercio tabata dos dia caminda
cinco ekipo a trece ideanan dilanti, a prepara un
plataforma y a haci presentacion pa un hurado di
miembronan capacita, scoge esun mihor.
E mihor a resulta di e aplicacion ‘Monumnts’ cu
ta permiti peatonnan den centro di ciudad pa
conecta cu estatua, monumento y edificionan pa
haya informacion, pero tambe ofertanan for di
tiendanan.
“Hopi contento cu e entusiasmo y energia di e 5
ekiponan pa presenta solucionnan pa crea mas ac-
tividad, mas movecion di hende den caya grandi;
un economia di conocemento y un economia di
experiencia, esey ta loke nos a wak awe,” asina
Minister mr. Arends a indica.
“A bin cu solucionnan ‘out of the box’ y inova-
tivo. Tur cinco ta bal la pena pa explora y pa
sigui desaroya e prototiponan. Nos por facilita y
apoya tur cinco, paso mi ta kere cu tur por tin un
contribucion den e actividad economico di Caya
Grandi,” asina e titular di Asunto Economico a
duna di conoce.
Minister mr. Arends tabatin comprension p’e tra-
bou duro cu e cuerpo di hurado tabatin. Tur e idea
tabata resaltante y a scoge a base di un criteria cu
a inclui e aspectonan di economia di experiencia,
trafico peatonal, aumento di actividad comercial,
diversidad cultural y sostenibilidad.
E siguiente paso den e proyecto aki di Hackathon
Oranjestad ta pa yuda e ekipo ganador pa regis-
tra nan idea y busca financiamento p’e concepto
wordo comercialisa.
“E conceptonan aki mester wordo comercialisa.
Hopi di nan a bin cu nan ‘business plan’ y ta bay
yuda pa wak di ki forma por haya financiamento
p’e proyectonan. Algun di nan tin financiamento
caba, otronan falta financiamento.
Nos ta bay yuda pa yega na entidadnan finan-
ciero cu e idea aki pa wak si pa nan tambe ta
‘make sense’ y si nan mester di mas ayudo, nos
tin Qredits na Aruba cu por facilita y asisti den
e parti financiero,” asina Minister mr. Arends a
duna di conoce.
Ministerio di Asunto Economico y Comunicacion
ta gradici Bureau Innovatie y Camara di Comercio
pa nan confiansa den e proyecto, na patrocina-
donan Gianni’s Group y Subway Aruba pa nan
contribucion, n’e miembronan di hurado pa nan
esfuerso, n’e participantenan pa aporte valioso y
na tur cu a duna un man pa haci di Hackathon
Oranjestad un exito cu pronto Oranjestad lo cum-
insa mira su frutonan.
