Page 84 - MIN VOS 21 OCT 2015

Controlnan di Departamento di Higiena ta sigui den Playa

Publication: Wednesday, 21 October 2015. Categoria: General

ORANJESTAD (AAN): Ivette Geerman,
kende ta hefe di e departamento di higiena a confirma cu e controlnan riba lugarnan cu ta bende
cuminda prepara, esta restaurantnan y take-away nan, den e area di Playa, ta sigui. Tres team ta
haciendo e trabao aki y ta programa pa nan ta cla prome cu fin di aña.
El a bisa cu por conclui cu e comerciantenan ta cumpliendo bon cu e rekisito di carchi di salud,
pero ainda tin retonan cerca algun compania pa cu e parti di higiena.
Departamento di Higiena ta traha cu diferente partner, por ehempel den caso di e inspeccion na
Santa Cruz a traha cu Cuerpo Policial y den caso di Playa ta trahando cu DOW.
Geerman a bisa cu loke kier logra ta pa yega na higiena di un standard halto internacional na
Aruba. E desaroyonan ta positivo, pero falta asina pa hendenan bira mas consciente di cierto
detayenan, particularmente ora ta papia di higiena.
Ainda e higiena no ta na e nivel desea; e ta un proceso largo pero ta bayendo den bon direccion,
Ivette Geerman a comenta. E comerciante y e consumidor ta birando mas critico y atento.
Por wak ultimo tempo cu e situacion ta cambiando den comunidad, cu comerciantenan ta publica
cu Departamento di Higiena a pasa y a haya cu su establecimento ta cumpliendo cu e reglanan di
salud publico, el a bisa. Tambe por wak di otro banda cu e consumidor a bira mas critico y ta
haci remarca cu lugarnan cu no ta cumpli cu inspeccion nan no ta bishita mas.
Departamento di Salud Publico kier yega na un higiena sustenibel, pues cu ta pa termino largo, e
nivel di paisnan desaroya cu kier y mester yega na un nivel di higiena halto, Geerman a conclui
bisando.
http://www.diario.aw/2015/10/controlnan-di-departamento-di-higiena-ta-sigui-den-playa/