Page 26 - ARUBA BANK



Camara di Comercio y Industria (KvK) ta organisa diasabra 18 di januari 2020 un biaha
mas e evento Business Plaza – Step Forward!

E evento aki ta cuminsa 9or di mainta te cu 2or di atardi y ta tuma lugar na oficina di
KvK. E meta di Business Plaza – Step Forward! ta pa brinda informacion y guia n’e
empresario cu ta desea di expande su liña di producto of servicionan y cu talbes kier
restructura su negoshi of tin intencion pa expande cu mercado internacional.

Topiconan interesante cu lo wordo presenta ta relata na expansion di un empresa,
strategia social pa bo negoshi, experiencia di un empresario y haya sa di e ultimo
desaroyo di KvK cu ta importante p’e comerciante. Lo bay tin presente conseheronan di
KvK y tambe representante di Departamento di Asunto Economico pa duna consulta y
brinda informacion encuanto e permisonan rekeri.

E agenda p’e dia lo ta como siguiente: 9:00 AM – 9.10 AM : Discurso di Vice-Presidente
di Directiva di KvK sr. Omar Tromp; 9:10 AM – 9:40 AM: Presentacion di SVb
encuanto MiSVb 2.0; 9:40 AM – 10:00 AM: Sra. Charisse Hoen-Daly di Universidad di
Aruba lo duna informacion riba Programanan Educacional pa Empresarionan.

10:00 AM – 10:30 AM : “Expansion story of an entrepreneur” dor di sra. Alexlindy
(Lindy) Croes di Lindy Boutique; 10:30 AM – 11:00 AM: “Want to export?” presenta
dor di sra. Sharon Meijer di Exprodesk

Lo tin un pauze di 11:00 AM te cu 11:30 AM cu oportunidad di networking acompaña cu
snacks y bebida.