Page 36 - Min.On 1 April'15
P. 36
Comparti
President di sindicato di maestronan, esta SIMAR a pidi un reunion cu tur partido envolvi den e caso di
suspension di sra. Croes, kende ta maestro na Scol Primario Kudawecha. E reunion aki no a wordo pidi
pa tuma luga specificamente despues di vakantie, pero despues cu e maestro ta AG atrobe, pasobra ta
tene cuenta cu y respeta e periodo cu e AO.
No por spera cu e ta bin un reunion den e periodo cu e ta AO, Sheila Lazo-Tromp a indica. E docente
tabata den un “dip” y ta emocionalmente afecta pa loke e ta pasando aden. Lazo-Tromp a bisa den un
conferencia di prensa dialuna cu tin hopi speculacion den e caso aki y ta sra. Croes, kende ta miembro di
e sindicato a acerca SIMAR cu e problema. A investigacion necesario a tuma luga pa SIMAR ta informa di
ki e caso y e indole di e caso. A tuma contaco cu personanan relevante y a discuti loke a pasa cu e hurista
di SIMAR, despues di cual a saca un carta pa sinta cu tur e hendenan envolvi den caso. SIMAR no ta di
acuerdo cu e procedura cu a tuma luga den e caso aki. Segun e sindicalista e caso no a sigui un proceso
normal manera cu mester sigui si acaso tin un investigacion. Sra. Croes a haya un yamada pa presenta pa
un reunion na Dienst Publieke Scholen, cu ta su dunado di trabao. E yamada no a bin na dje directo, pero
via di su cabesante y ora el a acudi na DPS un persona a trahando dilanti den e oficina a dun’e un carta
den cual ta describi un medida contra dje. Sra. Croes a pidi pa papia cu e director di DPS, pa un
combersacion, cual ta algo cu el a kere na prome luga ta loke a yam’e pe. El a wordo nenga prome, pero
ora cu e no a bay di e oficina y algun colega a bin compañ’e, e director a tene cu un combersacion cune y
su coleganan. En realidad enbez di un combersacion el a haya un medida contra dje, basa riba un
grabacion y e keho di un mayor. E grabacion aki tabata ilegal y a tuma luga sin permiso di e docente,
segun Lazo-Tromp. E medida pa pon’e riba non-actief a bin como un sorpresa pa Sra. Croes como tambe
e cabesante di Scol Kudawecha como cu nan a kere cu e impasse cu e mayor a keda resolvi den un
reunion e dia anterior na scol. A tuma luga un combersacion entre e cabesante, e docente y e mayor,
unda tabatin pidimento di disculpa y hasta handshake y e tata a bisa cu e grabacion no ta existi mas
pasobra el a “delete” esaki, segun Lazo-Tromp ta splica. E medida contra e docente ta hopi pisa. Lazo-
Tromp a remarca cu ta wordo bisa cu e docente no a wordo geschors, si no poni riba non-actief, tanten cu
literalmente e carta cu el a haya ta bisa cu ta geschors y cu ta destituy’e for di su funcion como docente pa
resto di e aña escolar. Den e carta no a duna fecha desde ki dia y pa cuanto tempo e ta suspendi y a laga
esaki bao responsabilidad di e cabesante, kende a expresa cu e no ta di acuerdo cu ta pone e
responsabilidad cerca dje, Sheila Lazo-Tromp a subraya. Ademas e carta no ta bisa basa riba ki articulo a
suspende Sra. Croes. A wordo bisa cu ta a base di un grabacion Juffrouw Suki a wordo suspendi. Esaki ta
un grabacion cu e mes no a haya oportunidad pa scucha y pa defende su mes si e tin cu defende su mes of
pa trece su version completamente dilanti, segun SIMAR. A duna e docente di compronde cu no ta trata
di e contenido, pero a duna e impresion cu ta conden’e a base di un keho cu a drenta cerca minister
directo y no a pasa e camindanan cu e mester pasa normalmente, Lazo-Tromp a expresa.
http://www.24ora.com/local-mainmenu-5/93639-sheila-lazo-tromp-simar-a-pidi-pa-un-reunion-pa-ora-
sra-croes-ta-ag-atrobe-
SIMAR ta sigur cu e resultado di investigacion lo ta na fabor
di Juffrouw Suki
Tuesday, 31 March 2015 20:01
President di sindicato di maestronan, esta SIMAR a pidi un reunion cu tur partido envolvi den e caso di
suspension di sra. Croes, kende ta maestro na Scol Primario Kudawecha. E reunion aki no a wordo pidi
pa tuma luga specificamente despues di vakantie, pero despues cu e maestro ta AG atrobe, pasobra ta
tene cuenta cu y respeta e periodo cu e AO.
No por spera cu e ta bin un reunion den e periodo cu e ta AO, Sheila Lazo-Tromp a indica. E docente
tabata den un “dip” y ta emocionalmente afecta pa loke e ta pasando aden. Lazo-Tromp a bisa den un
conferencia di prensa dialuna cu tin hopi speculacion den e caso aki y ta sra. Croes, kende ta miembro di
e sindicato a acerca SIMAR cu e problema. A investigacion necesario a tuma luga pa SIMAR ta informa di
ki e caso y e indole di e caso. A tuma contaco cu personanan relevante y a discuti loke a pasa cu e hurista
di SIMAR, despues di cual a saca un carta pa sinta cu tur e hendenan envolvi den caso. SIMAR no ta di
acuerdo cu e procedura cu a tuma luga den e caso aki. Segun e sindicalista e caso no a sigui un proceso
normal manera cu mester sigui si acaso tin un investigacion. Sra. Croes a haya un yamada pa presenta pa
un reunion na Dienst Publieke Scholen, cu ta su dunado di trabao. E yamada no a bin na dje directo, pero
via di su cabesante y ora el a acudi na DPS un persona a trahando dilanti den e oficina a dun’e un carta
den cual ta describi un medida contra dje. Sra. Croes a pidi pa papia cu e director di DPS, pa un
combersacion, cual ta algo cu el a kere na prome luga ta loke a yam’e pe. El a wordo nenga prome, pero
ora cu e no a bay di e oficina y algun colega a bin compañ’e, e director a tene cu un combersacion cune y
su coleganan. En realidad enbez di un combersacion el a haya un medida contra dje, basa riba un
grabacion y e keho di un mayor. E grabacion aki tabata ilegal y a tuma luga sin permiso di e docente,
segun Lazo-Tromp. E medida pa pon’e riba non-actief a bin como un sorpresa pa Sra. Croes como tambe
e cabesante di Scol Kudawecha como cu nan a kere cu e impasse cu e mayor a keda resolvi den un
reunion e dia anterior na scol. A tuma luga un combersacion entre e cabesante, e docente y e mayor,
unda tabatin pidimento di disculpa y hasta handshake y e tata a bisa cu e grabacion no ta existi mas
pasobra el a “delete” esaki, segun Lazo-Tromp ta splica. E medida contra e docente ta hopi pisa. Lazo-
Tromp a remarca cu ta wordo bisa cu e docente no a wordo geschors, si no poni riba non-actief, tanten cu
literalmente e carta cu el a haya ta bisa cu ta geschors y cu ta destituy’e for di su funcion como docente pa
resto di e aña escolar. Den e carta no a duna fecha desde ki dia y pa cuanto tempo e ta suspendi y a laga
esaki bao responsabilidad di e cabesante, kende a expresa cu e no ta di acuerdo cu ta pone e
responsabilidad cerca dje, Sheila Lazo-Tromp a subraya. Ademas e carta no ta bisa basa riba ki articulo a
suspende Sra. Croes. A wordo bisa cu ta a base di un grabacion Juffrouw Suki a wordo suspendi. Esaki ta
un grabacion cu e mes no a haya oportunidad pa scucha y pa defende su mes si e tin cu defende su mes of
pa trece su version completamente dilanti, segun SIMAR. A duna e docente di compronde cu no ta trata
di e contenido, pero a duna e impresion cu ta conden’e a base di un keho cu a drenta cerca minister
directo y no a pasa e camindanan cu e mester pasa normalmente, Lazo-Tromp a expresa.
http://www.24ora.com/local-mainmenu-5/93639-sheila-lazo-tromp-simar-a-pidi-pa-un-reunion-pa-ora-
sra-croes-ta-ag-atrobe-
SIMAR ta sigur cu e resultado di investigacion lo ta na fabor
di Juffrouw Suki
Tuesday, 31 March 2015 20:01
