Page 15 - Imsan, 28 May 2015
P. 15
ImSan y Marina Real ta cera acuerdo pa traha hunto
Wednesday, 27 May 2015 17:03
Comparti
Ora un calamidad tuma luga, e enfermeronan di Koninklijke Marine lo traha hunto cu entre otro Servicio
di Ambulance pa yuda e victimanan. Pa nan ta miho prepara pa esaki, ImSan y Marina Real a cera un
acuerdo pa e cuater enfermeronan di Marina Real traha dos siman pa aña riba Ambulance.
Sin cu mester warda pa un calamidad of desaster sosode, ya caba e dos instancianan a cuminsa traha
hunto den un esfuerso pa promove miho coordinacion entre e personal y e organisacionnan. Ambos
partner ta desea pa nunca sosode un calamidad mes, pero nan ta realisa tambe cu miho ta bon prepara
for di antemano pa traha hunto pasobra ningun hende por pronostica ki ora un desaster grandi por tuma
luga.
Luitenant ter Zee Eerste Klasse, dr. Dave Koch a traha hunto cu Director di ImSan, Dr. Joel Rajnherc, pa
realisa e proyecto aki. E anuncio di e acuerdo a tuma luga den presencia di e enfermero di Marina Real,
Wouter Kasemier.
Marina Real a splica cu ambos instancia tin necesidad pa siña hunto con pa complementa otro y e ta haya
cu no mester stipula un fecha final pa e contract, pero mas bien lo por expande riba dje den futuro.
Actualmente ora tin actividad grandi, manera Opendag di Koninklijke Marine y Sail Aruba, e dos
instancianan ta traha hunto riba un liña y ta coordina nan comunicacion, ubicacion, etc., pues ta traha
hunto riba “nivel macro”. Loke ta bay tuma luga awo ta e parti “uitvoerend”, esta e parti practico.
Dr. Rajnherc ta referi na e acuerdo como un logro grandi cu ImSan ta hopi orguyoso di dje. E ta un
proyecto cu e dos partidonan a bin ta trahando riba dje pa basta tempo y a conoce algun retraso pa via di
retonan chikito legal relaciona cu debernan cu Marina Real mester cumpli cune, el a splica.
E enfermeronan di Aruba cu ta traha riba Ambulance y e enfermeronan di Marina Real ta educa na e
mesun sistema, pa medio di cursonan di academia pa “ambulance zorg” di Hulanda, nan opleidingnan ta
pas den otro hopi bon y ta mas cu logico ta nan lo por traha bon hunto, Rajnherc a bisa.
Ta un honor pa ImSan por traha hunto cu un organisacion di nivel asina halto manera ta e caso di
Marina Real, cu kende ya tin un relacion di trabao temporario sporadico pa diferente evento. Awo nan lo
ta trahando na un otro nivel hunto; esaki ta un paso mas leu y ta motiva e procesonan pa nan siña di otro.
Finalisando Dr. Rajnherc a gradici Dr. Koch pa e tremendo colaboracion y cu ta di lamenta cu awo cu
porfin nan a logra un acuerdo, Dr. Koch ta completando su termino na Aruba.
Wednesday, 27 May 2015 17:03
Comparti
Ora un calamidad tuma luga, e enfermeronan di Koninklijke Marine lo traha hunto cu entre otro Servicio
di Ambulance pa yuda e victimanan. Pa nan ta miho prepara pa esaki, ImSan y Marina Real a cera un
acuerdo pa e cuater enfermeronan di Marina Real traha dos siman pa aña riba Ambulance.
Sin cu mester warda pa un calamidad of desaster sosode, ya caba e dos instancianan a cuminsa traha
hunto den un esfuerso pa promove miho coordinacion entre e personal y e organisacionnan. Ambos
partner ta desea pa nunca sosode un calamidad mes, pero nan ta realisa tambe cu miho ta bon prepara
for di antemano pa traha hunto pasobra ningun hende por pronostica ki ora un desaster grandi por tuma
luga.
Luitenant ter Zee Eerste Klasse, dr. Dave Koch a traha hunto cu Director di ImSan, Dr. Joel Rajnherc, pa
realisa e proyecto aki. E anuncio di e acuerdo a tuma luga den presencia di e enfermero di Marina Real,
Wouter Kasemier.
Marina Real a splica cu ambos instancia tin necesidad pa siña hunto con pa complementa otro y e ta haya
cu no mester stipula un fecha final pa e contract, pero mas bien lo por expande riba dje den futuro.
Actualmente ora tin actividad grandi, manera Opendag di Koninklijke Marine y Sail Aruba, e dos
instancianan ta traha hunto riba un liña y ta coordina nan comunicacion, ubicacion, etc., pues ta traha
hunto riba “nivel macro”. Loke ta bay tuma luga awo ta e parti “uitvoerend”, esta e parti practico.
Dr. Rajnherc ta referi na e acuerdo como un logro grandi cu ImSan ta hopi orguyoso di dje. E ta un
proyecto cu e dos partidonan a bin ta trahando riba dje pa basta tempo y a conoce algun retraso pa via di
retonan chikito legal relaciona cu debernan cu Marina Real mester cumpli cune, el a splica.
E enfermeronan di Aruba cu ta traha riba Ambulance y e enfermeronan di Marina Real ta educa na e
mesun sistema, pa medio di cursonan di academia pa “ambulance zorg” di Hulanda, nan opleidingnan ta
pas den otro hopi bon y ta mas cu logico ta nan lo por traha bon hunto, Rajnherc a bisa.
Ta un honor pa ImSan por traha hunto cu un organisacion di nivel asina halto manera ta e caso di
Marina Real, cu kende ya tin un relacion di trabao temporario sporadico pa diferente evento. Awo nan lo
ta trahando na un otro nivel hunto; esaki ta un paso mas leu y ta motiva e procesonan pa nan siña di otro.
Finalisando Dr. Rajnherc a gradici Dr. Koch pa e tremendo colaboracion y cu ta di lamenta cu awo cu
porfin nan a logra un acuerdo, Dr. Koch ta completando su termino na Aruba.
