Page 16 - Minister Paul Croes

AWEMainta Diahuebs, 10 December 2015 25

Exposicion inspira
pa ‘Maternidad’

GALERIA PS20 na Apeldoorn ta

presenta di 18 di december 2015 te
cu 31 di januari 2016, actividadnan
artistico/cultural multidisciplinario
relaciona cu e exposicion di un serie
di pintura inspira p’e tema universal
‘Maternidad’.
Un serie universal di e conocido pin-
tor Arubiano Gustave Nouel, inspira
p’e periodo cu e actriz y modelo Zu-
leika Coffie cu a establece su mes
na Hulanda fin di 2014 tabata na
estado.
Esaki ta prome biaha cu Gustave
Nouel (www.gustavenouel.com) lo
presenta un exposicion cu e tema
‘Maternidad’.

Na apertura di e exposicion lo tin un
modeshow bou di direccion di e actriz
y modelo Arubiano Zuleika Coffie
biba na Amsterdam. E modelonan
hoben y talentoso, André Sambo,
Harald Pot y Milena Vis, cu Zuleika a
train durante su maternidad, lo cana
nan prome modeshow p’e marca ‘Be
Splendour’ di diseñador di lingerie
Monica L. Daleman di Hoogeveen
www.besplendour.com).
E lo presenta su prome coleccion di
paña di e serie ‘749 sport’ y ‘MLD luxe
kleding’ na PS20.
Di e artista creativo di Corsou, Mar-
garita Gressmann (facebook blog:
Spirit of freedom) di Dordrecht,
tambe joya original, unico y traha na
man, tambe lo ser presenta na Galeria
PS20. Margarita tambe lo organisa e
musica durante apertura di e exposi-
cion, culminando cu pieza ‘Abo So’,
un di e composicionnan mas bunita
di e ‘genio universal y tata di cultura’
Arubano, Padu del Caribe.

E prome presentacion di exposicion
‘Maternidad’, cu diferente talento
y disciplina di arte di nos Reino, lo
cuminsa na Galeria PS20, Station-
straat 45A na Apeldoorn, 19:00 hr.
Mas informacion na galeria PS20,
gelerista Bert Diks, tel: 06 28932293.