Page 10 - KPA SEPT 18, 2015

DIABIERNA 18 SEPTEMBER 2015 DIARIO
Nos trafico ta masha sigur, ta e chofernan ta maha di mas
Desgracianan ta tumando lugar na cantidad atrobe y mi a dicidi di skirbi “algo
cortico” tocante seguridad den trafico. Esaki a resulta “mucho largo”, y mi
ta kere cu lo ta di dos, kizas tres parti e lo por bira, pa mustra kico ta pasando, mi dilanti, mi ta dal den bo. Mi no ta gasta mi “mi n’ sa kico: di brake di tanto
pasobra ni expertonan di trafico no sa mas kico pa haci.
Cada biaha cu tin un desgracia grandi bo ta tende of lesa di “e trafico insigur
di Aruba”.
No ta e trafico ta insigur, ta esnan cu ta tras di stuur ta esnan cu ta causa e
desgracianan.
Tin ora ta lesa di e vehiculo di motor y nos kiermeen un auto. Nos ta cumpra
un auto y ta ora e box, e ta bira un vehiculo.
Nos ta sinti nos mes masha insigur caba sin cu nos a cumpra e auto pasobra
djis aki lo tin mas auto cu hende riba nos isla.
Esnan na pia a cuminza sinti nan mes insigur hopi tempo caba.
No mucho dia pasa mi a bay un actividad y tabata tin 200 auto pafo, mien-
tras cu paden tabata tin 100 hende . Tur hende a bin den dos auto.
Esnan na pia a cuminza lucha contra esey.
Nan tin miedo di awa cero y nan ta core di awa cero.. Awendia nan ta core di
tiro, pero no tin miedo di auto.
Nan ta blo reta auto... “Dal mi no, dal mi no, mi ta spera cu boso tin se-
guro”.
Esey, nan no por bisa awendia, pasobra nan no sa cu seguro di auto ta bi-
rando mas caro. Awor, ora bo sigura bo auto bo tin cu cera un di dos seguro
pa por bisa cu bo a cera un bon seguro.
Mi a pasa den caya algun dia pasa y dos muher corpulento tabata cruza caya
y a bay para net dilanti mi auto.
Eynan, nan a cuminza conversa.
Mi a pita y un di nan a bira cara: “bo no tin manera? Bo n’ por mira cu tin
hende ta papia ?”
Mi mester a sinta keto den auto pa nan por a sigui conversa.
Nan no ta e problema. E problema ta e tipo di hende cu nos tin ta maneha
auto.
Mi a corda tempo DIARIO tabata den Wilhelminastraat un colega tabata tuma
les di stuur auto. Su instructor tabata “Un polis”. Cu su instructor polis band’i
dje, e colega a start auto, primi gas y “baammmmm” dal auto pega den DIA-
RIO. El a kere cu el a pone e palanca na “reverse” y a resulta cu e palanca
tabata na “drive”.
Mi ta ripiti: ta e persona cu ta maneha e auto ta e problema. No e auto, ni e
trafico.
Un polis veterano, awe gosando di su pensioen, a yega di contami di un ga-
leins netchi cu a presenta nan dilanti.
E mucha muher hoben a bay pasa test pa su rijbewijs.
Polis a bis’e pa duna señal pa bira na man robez y e no tabata sa ta cua man
ta robez. E polis a bis’e e ora ey, duna señal pa man drechi. El a saca su man
drechi, rek e y el a hinca dede den wowo di e polis band’i dje.
El a zak y el a faya tambe den teoria, esta, na mesa.
Eynan el a keda bira e polisnan. Bira nan rond di su dedenan; bira nan den ro-
tonde; papia nan manera politiconan; hisa saya un tiki riba rudia, te cu polis-
nan a cay y a dicidi di dun’e rijbewijs. Kende ta worry cu esaki ? Na Aruba tur
cos ta posibel toch ?
Ta e damanan aki a haci cu nos tin hopi rotonde awendia.
Esnan cu a biaha den Caribe por a ripara cu rond di Caribe, riba tur isla tin
“gobiernonan di rotonde” mescos cu na Aruba.
Algun dia pasa un persona tabata riba caminda grandi di Playa pa San Nico-
las y su “tire di spare” a cay for di e vehiculo.
Pa ora cu el a bolbe pa coge su tire, el a haya yen di auto ta core rond di e tire
keriendo cu ta un rotonde nobo.
Bo ta haya rotonde cu of sin klinker, cu of sin yerba y decora cu esaki of
esaya. Filanan a bira asina largo cu mester a dobla e fila y haci’e rondo.
Poco tempo pasa mi tabata den un fila.
Un auto a sali di cura mi dilanti y manera loco. Mi di cu e chofer cu sikiera e
por a pone señal .
E contesta cu mi a haya tabata: “señal pa kico ? Tur hende sa cu mi ta biba
aki, puntra e bisiñanan. “
Naturalmente tin e problema di piezanan di auto.
Pieza pa auto a bira asina caro cu lo ta mihor bo cumpra solamente pieza di
auto y lubida e auto.
Bo por cumpra bo auto manera Lego y pega esaki pida pa pida.
Riba internet bo ta haya “kit” si bo kier encarga un pieza. Awendia no tin
pieza di auto mas. Awor nan ta bende “Kit”.
Si bo kier un wantalodo bo ta haya wantalodo cu acerca un man di porta y
stoel di patras. Esey ta “Kit di wantalodo”.
Si bo kier un bumper bo ta hay’e cu un stuurwiel y un man di habri y cera
bentana.
Bo tin cu cumpra un kit. No por cumpra ningun pieza apart.
Bo tin cu cumpra un kit di locual bo no tin mester.
Pieza ta asina caro cu hendenan kier come otro.
Imaginabo. Mi a paga algun 100 bubu florin pa un paar di “ mi n’ sa kico” di
PAGINA 37
brake.
Esunnan cu awor ta kere cu mi lo trapa brakes pa para, lo ta loco. Si bo ta
100 bubu por nada.
Awor nos tin tambe na Aruba e Mecanico Instantaneo di canto di caminda.
Ora bo auto tin problema di motor y para cu bo riba caminda, no ta importa
unda e ta.
Prome cu e auto para, ta sali un mecanico for di mondi of for di bao di un mata
di Divi Divi of di Kwihi pa bisabo: “Mi por drecha esey!” Den saco nan tin
screwdriver y hermentnan chikito.
Di unda nan ta bin bo no sa, ni si nan a sali di riool.
“Ta e fuel pomp of e fuel injector,” a bira locual a pasa bo auto. “Ta e fuel
pomp, ta e fuel injector” y despues : “Mi por drecha esey facil !!”.
Mira e autonan caro hapones, coeano, chines, americano of euopeo. Nan ta
usa tur sorto di computer pa traha e autonan aki y na Aruba e Mecaniconan
Instantaneo ta bisabo cu nan por drecha esey facilmente.
Nan ta usa gancho di cabey, scotch tape, duc tape, stick di lijm of super
glue.
Expertonan a tuma añanan largo pa traha e autonan aki cu computer y e
mecanico ta bisabo den un rato “mi por drecha esey”, usando un “gancho”
di cabey.
Naturalmente pa bo ta un mecanico instantaneo na Aruba, bo mester ta
conocedo di musica.
Pesey e movimento cultural tipico y tambe e experimentonan tipico di Michael
Lampe cu Datapanik a bira asina popular atrobe y lo existi pa semper.
Chofernan na Aruba no sa kico tin bao di nan auto, pero nan por bisabo si con
e ta zona.
E damita ta yega y bisa e mecanico: “E auto ta zona plienketin plienketin
plienketin, ey bao.”
Of e por bisa: “ tin algo patras cu ta zona bloengoe bloengoe bloengoe”.
Tambe bo ta tende cu algo ta zona “tranka trankatankaaa” bao di e wanta-
lodo dilanti.
E mecanico awor tin cu siña musica pa scapa bo auto. Pa zonidonan musical
nobo, Michael Lampe por splik’e:
“Si ta “plienketin plienketin”, mester cambia e sensornan.
Si ta “bloengoe bloengoe”, ta bo motor tin problema di zeta.
Si ta “tranka tranka” ta bo motor a crash y mester di overhaul.
Si finalmente ta “bla bla bla bla”, ta bo señora ta sinta den auto”.
Na Aruba tambe tin solamente tres sorto di auto.
Na Aruba ta importa Toyota, Dodge, Mazda, Volkswagen, Ford, Chevrolet,
Mercedes, BMW entre otro.
Pero ora nan sali di agencia, ta 3 sorto di auto tin.
“Vroom “, “Whoosh “ y “Badam!!” Ta bo ta dicidi ki sorto di auto bo ta
maneha.
Pero......., ta resulta tambe cu mayoria di doño di auto na Aruba no sa ki
tamaño nan auto ta .
Nan tin auto largo, grandi y ta trata di staciona e auto den un hoki di dos meter
pa 2 meter.
Tin di nan cu caha di suafel cu facil por drenta den espacio pa parkeer un
bus. Pa parkeer, nan ta bay dilanti patras cu nan auto y ta keda dal esun nan
dilanti, of esun patras di nan, prome cu nan parkeer. Despues nan ta bisa e
doñonan: “Bo a parkeer bo auto malo”.
Nos tin cu siña pa sa tamaño di nos auto.
Despues di studia e relacion entre doñonan di auto y nan auto, mi a deduci cu
mester bin un codigo pa stuurmento pa esnan cu ta stuur na Aruba.
Na prome lugar mester compronde cu e manera cu nos ta stuur aki, no tin
coremento na banda drechi of na banda robez. Tin algo cu ta wordo yama
“core tur caminda”.
Si bo ta sinti cu bo mester stuur na banda drechi bo a haci’e. Si bo ta sinti cu
bo kier core na banda robez, bo ta haci’e.
Si bo ta sinti cu bo kier core mey mey di e caminda, bo ta haci’e.
Mayoria di manehador na Aruba ta prefera e ultimo aki. Core auto mey mey
di caminda.
Tin tambe e cos cu yama “rand di caminda”.
Esaki parce ta solamente pa taxistanan y chofernan di autobus pasa.
Si nan ta bo tras riba Boulevard of riba caminda grandi di Playa pa San Nico-
las, nan ta prefera di pasa na e otro banda di rand di caminda. Nan ta pasabo
na banda drechi bay, subi acera si ta necesario y laga e dañonan cu wordo
causa cu bo auto, pa bo cuenta.
Pesey mi ta bisa cu ora bo hayabo cu taxi of autobus bo tras of biniendo bo
direccion, lubida rand di caminda. Baha caminda y drenta un take-away canto
di caminda mes ora.
Pero ora bo papia personalmente cu nan tocante esaki, bo ta tende cu “NUN-
CA” nan a trece trafico na peliger. Kizas ta ami so lo ta e peliger den trafico,
pesey mi ta sigui tocante e topico aki mañan.
Juby Naar