Page 34 - KPA SEPT 18, 2015

Dama a ser atraca y laga atras mara cu duct tape na stul

Publication: Friday, 18 September 2015. Categoria: Policial
Net na caminda principal di Tanki Flip

ORANJESTAD (AAN): Hasta na casnan, cu ta keda riba di caminda grandi mes, anti-socialnan
ta comete nan fechoria.
Diahuebs atardi, un dama di edad a yega su cas na Tanki Flip 111, cu ta keda net riba e caminda
principal di Noord pa Oranjestad, net un tiki pazuid di Shaba Pastry.
E dama a splica cu el a yega su cas, y ora el a bay pa cera e porta, diripiente dos homber violento
a drenta. Nan a forza pa bay paden, y nan ta di habla hispano. E dama a mira cu nan tabatin
arma di candela den nan poder.
Nan a pone sinta den un stul, y aki a usa duct-tape pa asina mare den e stul, y di e forma ey e
dama no por a move mas. Nan a pasa man pa su tas, y a baha na awa cu esaki. Den e tas e
tabatin placa y prenda.
E hombernan ta color bruin, largo y delega, uno tabatin petchi corra riba cabez, jeans preto bisti,
y shirt preto tambe cu dibuho. E otro tin jeans blauw, cu shirt blauw cla.
Ora cu e alarma a ser bati, polis a yega den un rato pero ya e hombernan a desaparece. E persona
ta sinti di curazon, y pesey a pidi Ambulans pa presenta eynan y paramediconan a check
condicion di su curazon.
Atraco Team a ser poni na altura y a core bay wak kico a pasa.
E momento ey semper tin hopi trafico riba e caminda aki, cu ta keda core poco-poco te ora nan
yega Rotonde. Polis ta spera cu cualkier chofer cu tabata pega den e trafico, lo por a ripara algo
straño cu a pasa na Tanki Flip 111, y lo por duna autoridad tip.
DIARIO a nota cu Halto Comisario di polis a presenta na e lugar tambe.