Page 33 - FDLP

Club Gimnastico Arubano AVANSE dialuna anochi a tene apertura di e competencia

internacional di gimnasia na Centro Deportivo Libertador Betico Croes na Santa Cruz.

E show di apertura a presenta loke ta cultura di Aruba y e avance di gimnasia ritmico aki

na Aruba den transcurso di tempo, segun splica door di sra. Milly Bagheri, presidente di e

organisacion local. E tabata un presentacion hopi dirigi riba invitadonan internacional,

entre cual tabata Presidente di Federacion Internacional di Gimnasia Morinari Watanabe,

kende a yuda desaroya e programa aki na Aruba. Danki na su cooperacion a haya un
medayista di oro di Rusia y un atleta campeon di Hapon pa duna tayer na altetanan local.

E competencianan ta cuminsa awe diamars pa 1.30 di merdia na Centro Deportivo

Libertador Betico Croes cu participacion di atletanan local y internacional.

Diahuebs tine gala gimnastico cu ta un show artistico y ritmico unda tur e clubnan

miembro di e federacion ta duna show di Dinsey. E ta algo masha bunita cu ta invita

henter Aruba pa bin presencia. E show aki ta cuminsa pa 6’or di atardi na e mesun centro
deportivo.

Henter siman por cumpra entrada na e centro for di 5’or di atardi y pa e show tambe. Pa

evento entrada ta 20 florin y dia di e show cu e tema di Disney entrada ta 25 florin.

E invitado internacional, Watanabe, a expresa e deseo pa un dia mira tur e trabou cu ta
haci aki na Aruba den gimnasia ritmico resulta den un medaya di oro.