Page 69 - MIN JUS

actividadnan riba labamento di placa.
Tur hende por corda aña pasa, e paar di miyon di Euro cu a haya den un
container cu a bin for di Europa y cu destinacion den e region via Aruba pa

wordo laba. Esey ta un fenomeno cu kier combati cu e team aki.
Unda e fondo aki lo bay, ta loke a puntra minister Bermudez, kende a contesta

cu tur e fondonan aki lo bay den Criminaliteits fonds, cual cuentanan ta na
Banco Central. Eyden tambe tin fondo di actividadnan di aña pasa.

Den e caso aki, ministerio di husticia ta esun encarga cu administra y duna
cuenta di e fondo aki, pasobra e ta cay bao di dje. Pero naturalmente e team ta

colabora hunto pa cierto momento tur loke nan por podera di dje, cu ta
bienesnan for di actividadnan ilegal y criminal cu lo wordo deposita den e fondo
ey, caminda cu for di cual lo wordo financia tur loke cu mester ta na ekipo y

aparato y tambe personanan capacita pa sigui cu e combatimento aki, segun
Bermudez.

Minister Bermudez a sigui splica cu localmente tin cierto di e actividadnan aki ta
wordo haci, pero tambe cu no mester descarta cu Aruba ta wordo uza tambe pa

cierto di e actividadnan aki pa gruponan ta den exterior. Ambos mester combati
pasobra pa cuminsa, internacionalmente nos mester mantene nos reputacion na

ordo y tambe localmente mester mantene un sistema caminda cu no ta haya cu
baho mundo ta mescla cu alto mundo. Si esey sosode, si wak den e region, ta
wak ki peliger e ora nos ta core den nos comunidad.