Page 27 - FUND LOTTO

A19
DEPORTE Diamars 19 December 2017
Antes Sportshop Antilliano

Reapertura di Sport Caribe na Emmastraat

ORANJESTAD – Recientemente Sport Caribe a tene
un reapertura pa motibo di a mudanza recientemente.
Pa por conmemora e momento aki, a dicidi a ripiti e
acto simbolico pa inaugura e tienda, unda cu 50 aña
pasa, Harry Janssen a pidi atleta di aña Hjacinto Mario
Croes, pa subi e bandera di Aruba. Ayera nochi a logra
ripiti e gran momento aki. Esaki segun e relato ricibi.

Sport Caribe a muda bay Emmastraat 3, despues di mas cu
20 aña situa na Emmastraat 5. Loke ta remarcabel di e hecho
aki, ta cu e mesun tereno unda awendia ta Emmastraat 3, ta
e mesun caminda unda Sportshop Antilliano (cu awendia ta
Sport Caribe) a habri su portanan pa prome biaha.

Awendia, Hjacinto Mario Croes, doño di Mario Sport Shop,
unabes mas a subi e bandera den presencia di Harry Janssen
y demas famia cu ta forma parti di e team di Sport Caribe.
Monique Janssen, yiu di sr. Janssen, a mira esaki como un
momento hopi special, como e ta logra maak mee e sucede
cu a inicia tur cos 50 aña pasa.

Remarcabel ta mira cu minister di enseñansa, Rudy Lampe,
a asisti evento y a papia cu e publico presente, enfocando den
e importancia di deporte y educacion deportivo.

Sport Caribe ta sigui brinda pueblo di Aruba un coleccion
di Adidas y Reebok y e miho servicio posibel, cultiva den e
50 aña di experencia den bende articulo y paña di deporte.
Un otro hecho peculiar di Sport Caribe ta cu nan a wordo
reconoci pa Adidas como e distribuidor mas bieu di e marca
den mundo.
Sport Caribe kier gradici e pueblo di Aruba cu a apoya y
bishita Sport Caribe durante e ultimo 50 aña y pone nan con-
fiansa den un compania familiar y local manera nos.