Page 7 - 03May2022

DIAMARS 3 MEI 2022 DIARIO PAGINA 7
Yiu homber di Otmar Oduber laga den

libertad despues di 3 dia

ORANJESTAD (AAN): Siman pasa, e yiu homber di ex-Ministro Otmar Oduber, esta J.
Oduber a wordo deteni door di LandsRecherche y a keda interoga pa 3 dia. E investigacion ta
draai rond di supuesto acusacion di fraude.
Tur cos ta mustra cu e interogacion y e contestanan duna door di e hoben a bay basta rapido,
pasobra ya pa Diahuebs atardi, Fiscal a mustra cu no tin necesidad mas pa e keda encarcela.
Pues ordo a ser duna pa e keda liber. E momento ey e tabata encarcela na Warda di Polis na

ORANJESTAD (AAN): Un conflicto laboral cu e trahadornan
tin cu gerencia di compania Boogaard Assurantiën a pone cu
siman pasa, na dos diferente ocasion nan a tene un walkout, y
a bay para pafo.
Tur dos biaha, Sindicato SEPPA tabata presente pa respalda
nan, y duna nan informacion di pasonan cu ta bay tuma.
Hecho ta cu e compania ta stagnando riba algun punto cu ta
importante pa cu negociacion di un Contrato Colectivo nobo.
Diahuebs mainta e empleadonan a tene un walkout pa asina
mustra nan malcontento.
Diabierna merdia pa 2:30 pm, un biaha mas e empleadonan
di anto Boogaard na San Nicolas, y e oficina na Oranjestad
a sali pa mustra nan descontento cu gerencia ta ignorando
nan. Esey ta debi cu riba Diahuebs nan a entrega un carta na
gerencia, pero Diabierna no a ricibi nada di reaccion.
Magali Brito di SEPPA tambe tabata presente pa asina
papia cu e trahadornan riba e impase cu tin, y a dicidi na tene
un accion di 1 ora largo. Mientras tanto paden, clientenan
a cuminza sinti efecto di esaki como cu tabata tarda mas cu
normal pa haya servicio.
Si acaso no ricibi reaccion, lo por spera cu e accionnan lo
sigui e siman aki, y hasta por escala.