Page 21 - AVP

Parlamentario Arthur Dowers (AVP) Momento Ta

Yegando Cu Pueblo Lo Bay Pidi Gobierno Su Placa

Bek

 Featured

 Politica
- 18/02/2020

Para dilanti di edificio di DIMAS den Oranjestad, miembro di fraccion di AVP, mr. drs.
Arthur Dowers a mustra cu lo ta bon pa Gabinete Wever Croes realisa nan mes, cu
dificilmente lo por sconde proyectonan cu a wordo ehecuta bou gobernacion di partido
AVP y unda e fondonan a bay.

“Nos ta para aki dilanti di DIMAS awe pa ilustra kico nos Gobierno a haci cu placa di
pueblo, ya cu e edificio aki tin un historia politico su tras con un Gobierno simplemente
no tin respet pa propiedadnan di pueblo y simplemente ta dicidi di laga cos para y busca
un forma pa yuda Friends and Family.

E edificio aki manera pueblo por corda, a wordo bandona pa Gobierno di MEP, caminda
nan a bay laga e edificio aki bandona, a laga coriente y telefon sin desconecta y pa colmo
lagando cantidad di informacion di ciudadanonan benta eyden.

Chollernan despues di algun tempo a drenta den e lugar, a haci yamadanan internacional
ya cu Gobierno di MEP no tabata kibra cabes cu loke ta na interes di pueblo, pero pa
amigo- y famianan si tabatin cantidad di contract cla pa wordo otorga.