Page 1 - AM211109
P. 1
www.awemainta.com WWW.Facebook.com/awemainta noticia@awemainta.com 583 1400 Diamars, 09 November 2021
Aruba ta coopera pa 10 aña caba cu
Hulanda haciendo implante cochlear
E biaha aki a opera tres pashent
pa yuda nan recobra nan oido
Dr. Horacio E. Oduber Hospital conhuntamente cu un team di
Hulanda y di compania MED-EL a haci implante cochlear, pa casi
10 aña caba. Asina aki HOH y e team ta logra ta duna hende oido
bek pa medio di operacion.
Te awor a logra pa 40 pashent recobra nan oido. Pa haci e
operacion aki ta conta cu yudansa di profesor dokter R. Stokroos
di Universidad di Utrecht como tambe ingeniero di MED-EL, esta
L. Lehning. Ta haci esaki un bes pa aña cu ta inclui e “after care “
tambe, yudando 3 pa 4 pashent, incluyendo pashent entre otro di
Boneiro, Corsou y region.
Na Aruba dr. Steve Cabenda, KNO arts, a duna su yudanza y
recientemente e prome fase di implante di orea a tuma luga cerca
tres pashent.
