Page 15 - AM211109
P. 15
Diamars, 09 November 2021 AWEMainta.com 15
Pelotero di Siman Liga Hubenil ABBA
Malta Balashi Pelotero (Hubenil) di Siman: Pa e Campeonato Hubenil
2021 Amateur Baseball Bond Aruba (ABBA) ta introduci e “Pelotero di
Siman” Esaki ta bay pa e hungador/pitcher cu a destaca mas durante e
siman.
E Campeonato hubenil a start durante e siman di 22 oktober y lo finaliza
na fin di Januari 2022. Pa e promer siman di e Campeonato ( 22-24
oktober) e premio aki a bay pa Revan Maduro di X3M Hammersharks.
Revan a bay di 5-4 incluyendo 1 triple y 3 careda empuha.
Pa e di 2 siman di e Campeonato (28 – 31 oktober) e premio aki a bay
pa Zarik Tromp di Rockets Baseball Organization. Zarik tambe a bay di
5-4 cu 1 doblete y 1 careda empuha pa su equipo durante e siman.
Ariba e potret ta ora cu e hungadornan ta recibiendo na premio for di
Omar Henriquez (Directiva di ABBA). E premio a wordo patroniza pa
Tropical Bottling cu nan Malta Balashi.
Kia Sportage a bolter den Punto di Oro
Dialuna den oranan di merdia Polis a
bay cu urgencia pa un accidente unda
cu un di e autonan a bolter.
Un accidente peculiar, debi cu bo lo
no pensa cu un auto lo bolter den un
caya small y unda bo no por core duro,
pero e biaha aki el a pasa.
Na yegada di Polis nan a topa cu e dos
vehiculonan, ambos Kia Sportage. Un
di e autonan tabata staciona unda cu
e otro pa un of otro motibo a dal den
parti dilanti y despues termina riba su
banda.
E chauffeur ta un dama y lo a ricibi
algun rasca, pero nada di gravedad.
Polis a pidi tog presencia di ambulance,
unda cu na yegada e Paramediconan
a controla e dama n’e sitio mes.
Polisnan di Trafico tambe a presenta
p’asina tuma dato.
