Page 25 - AWEMAINTA

Diamars, 15 Mei 2018
Hilton Aruba Caribbean Resort & Casino
a organisa un exitoso Destination Review
AWEMainta 25
HILTON Aruba Caribbean Resort & Casino tabatin e
placer di t’e anfitrion p’e di 3 meeting planners selecciona
di Norte America pa un Destination Review, ofreci den
cooperacion cu Aruba Convention Bureau.
E grupo di dignitarionan a yega Aruba diahuebs y a wor-
do ricibi calurosamente den e lobby di e hotel, sigui pa un
Site Inspection Informativo y un recepcion di bon bini
tropical, caminda cu socionan local tambe a asisti.
E hotel su Site Inspection a wordo duna dor di Senior
Sales Managers Lily Polsbroek, Griselda Collado y Mark
DiMartino, mustrando e propiedad cu recientemente
a haci un renobacion extensivo, preservando e caracter
original di e diseño unico, y actualisando y mehorando
e comodidadnan totalmente p’e bishitantenan cu gusto
contemporaneo.
Mientras nan tabata haci e recorido di hotel, e planner-
nan a probecha di e oportunidad pa wak e diferente lo-
calidadnan paden como pafo pa evento y reunion.
E grupo a reuni na eforea beach, caminda e dignitarionan
a wordo ricibi cu un Aruba Ariba, un cocktail clasico cu a
wordo inventa na Aruba Caribbean Hotel, na juli 1963.
Durante cocktails, Gerente General Hans-Georg Roehr-
bein a introduci su mes y su ekipo cu un discurso cortico
reafirmando e deseo di e hotel pa traha cu e plannernan,
presentando nan gruponan VIP den e espirito di e hospi-
talidad Rubiano.
E anochi a conclui cu cumindanan exkisito y musica bai-
label bao di e streanan. E recepcion di bon bini tropical
a wordo planea cu hopi atencion p’e Brigada Culinario, e
ekipo di Food & Beverage, ekipo di Catering & Events y
ECO Destination Management Company.
Mientras e invitadonan a hospeda n’e hotel pa varios dia,
disfrutando di e producto Aruba, nan a pasa tempo tambe
banda di e pool y riba beach, y nan tabata ricibi tratamen-
tonan relahante n’e spa y tabata disfruta di un les priva di
yoga den e hardin.
Riba potret por aprecia un anochi inolvidabel na Hilton
Aruba Caribbean Resort & Casino caminda invitadonan
y socionan local a wordo entreteni.