Page 23 - Extra-Djarason 3 Mei 2017.pdf

Djarason 3 Mei 2017
Liga Amstel ta kuminsá
djasabra 6 di mei
WILLEMSTAD.- Awor
ku HOPE ta tras di lomba,
bala ta bai kuminsá lora
atrobe den Liga Amstel su
kampeonato 2017. Manera
ta kustumber, ya pa e di
dies aña konsekutivo di
kampeonato tur wega di
Liga Amstel ta hunga riba
Vèlt A i Vèlt B di Suvek
Ballpark.
Pa e aña aki Liga Amstel
ta konsistí di 11 ekipo ku
ta Dream Team, X-Treme,
Cicoza, Curaçao Real
Team, Terremoto, Latinos,
Bombers, The Rock, Gamers,
Terremaster i e ekipo nobo
DAF. Kampeonato lo konsistí
di dos buèlta tur kontra tur,
pa e promé kuater ekiponan
despues di e dos buèltanan
hunga playoff a base di
page system.Den 2017 Liga
Amstel lo konta un biaha
mas ku umpire/skorer di
FUSSOKO awor bou di
maneho di Svenska Bazur i
Donata Fullinck.
Skèdjel pa djasabra 6 di
mei 2017 lo ta: (Lo tòs pa
determiná ken ta ekipo di
kas i ken ta bishitante).
Vèlt A:
12.00 Dream Team vs
X-treme (un promé wega kayente
pa kuminsá temporada 2017);
14.00 Cicoza vs Curaçao Real
Team;
16.00 Terremoto vs Latinos
(Nos wega di siman).
Velt B:
12.30 DAF vs Bombers;
14.30 The Rock vs Gamers
(Otro wega hopi interesante - Bin
weta un Gamers ku a reforsá sin
fin!).
E ekipo Terremaster ta
liber.
Nos ta spera di por konta
ku apoyo di prensa e aña
aki atrobe, pa propagandá
weganan di Liga Amstel.
Manera ta nos kustumber,
nos lo manda resultado di
e weganan djis despues di e
dia di wega. Di antemano un
danki i nos ta spera ku boso
por pasa banda di Suvek
bin disfrutá di poko wega
di Sòftbòl rekreativo di bon
nivel i tambe saka algun
shot i gasta algu ku nos na
nos kantina.
...Liga Amstel ta konta ku mas fanátiko den 2017...
...Bombers dinastia total den Liga Amstel...
...Dream Team por bira kontrinkante fuerte pa Bombers... chamentu (di e picher naturalmente). Ku otro palabra, e
...Umpirenan sin nan lider máksimo Julio ‘Maracucho’
Hellburg. Naldo Henson a tuma over...
23
MUNDU DEPORTIVO
Lesadónan di Extra Slowpitch, bon dia. Manera ta e
kaso tur dia henter aña nos tei ku e kolumna hopi lesá i
komentá. Na momentu ku riba un dia pa un òf otro mo-
tibu no tin e kolumna, nos ta haña masha hopi reakshon
ku ta pidi nan sèn bèk, etc. Danki un biaha mas pa e
reakshonnan ku nos ta risibí. Algun hugada interesante
den Beisbòl Veterano den fin di siman. Hugadanan ku a
tuma lugá durante e wega di Jandoret Raiders kontra di
Refineria Isla.
*****
Den e promé inningnan di e partido tabatin un huga-
da kaminda chief umpire a deklará infield flai ku base
yen sin out. Pero e bala ta kai for di e primera base,
debí na e echo ku solo a bai den e primera base su kara
òf e bala a bai den solo. E primera base tabatin e bala
dominá segun e umpire i tambe segun e otro fileadónan.
*****
Si umpire dekretá infield flai, e bateadó outomátika-
mente mester ta out. Den e kaso aki e bateadó a embasá
pa primera. E ekipo ku tabata den defensa ku ta Jandoret
Raiders no a reklamá e hugada, debí ku no a tende e
umpire dekretá infield flai.
*****
Despues di wega masha diskushon tokante infield
flai si òf nò. Si e umpire na home plate òf e otro umpire
ta haña ku esfuerso normal e hungadó (infielder) por
kue e flai. Un infield flai no nesesariamente mester ta
den infield, e flai por ta den outfield kòrtiku tambe.
*****
Remarkabel ta si ku por resultá ku un umpire ta haña
ku e bala ta infield flai i e otro umpire nò. Ta na apre-
siashon di e umpire ku e hungadó en kuestion (e in-
fielder) por kue e flai ku esfuerso normal (ordinary ef-
fort). Segun nos hasta e regla ta kambia di hungadó pa
hungadó. Ke mèn, un infielder muchu mas hábil ku ta
bai atras i kue e flai fásil ku esfuerso normal por bira
infield flai.
*****
Hopi ta lubidá ku e infield flai rule ta pa protehá e tim
den ofensiva, di manera ku e tim den defensa no ta laga
e flai kai i saka dòbel plei. Beisbòl ta un dje deportenan
mas difísil ku ta eksistí ku masha hopi regla mes. Hopi
di nos ta hungando beisbòl for di dia nos tabatin 10 pa
15 aña i ainda nos no por bini kla ku e reglanan. Dia pa
dia ta mas regla i espesialmente mas estadístika den e
wega di Beisbòl manera entre otro WAR (Wins Above
Replacement), DRS (Defensive Runs Saved).
*****
Pa loke ta trata WAR, ta kalkulá éksito di e hungadó
tantu di su bateo, korementu di base, fileamentu i pi-
hungadó ku por yega para bati un homerun so i empuhá
hopi kareda no ta yega na un WAR hopi haltu.
*****
Na 2014 Kershaw tabatin un WAR 7.2., ke mèn 7
wega èkstra su ekipo a gana dor ku no a remplas’é pa un
otro hungadó. Ya, un estadístika ku por trese diskushon
naturalmente. Tin estadístika ku nos no ta masha di
akuerdo kuné, pero ta estadístika nobo ku e Merikano
ku ta manda den e wega di Beisbòl, a bini kuné.
*****
Defensive Run Saved ta e estadístika ku ta indiká
kuantu kareda e hungadó a salba pa su defensa. E DRS
ta diferensiá un tiki for di UZR (Ultimate Zone Rating).
Segun nos DRS ta bai hopi pa outfieldernan ku hopi spit,
debí ku nan ta wak e promé stap, e spit. Tin defensive
DWAR tambe kaminda grandinan defensivo ta komandá
e lista di tur tempu.
*****
Ei bo ta haña èks Big League infieldernan manera
Ozzie Smith, Mark Belanger, Brooks Robinson, Carl
Ripken, Luis Aparacio, Omar Vizquel (Ivan Rodriguez),
etc. Nos ta bini ku mas detaye den e dianan benidero.
Extra Slowpitch ta keda te aki pa awe. Te mañan ku
Poder di Dios.