Page 3 - Extra-Djarason 3 Mei 2017.pdf

Djarason 3 Mei 2017 3

SSC ta desbaratá tur ponensia

inkorekto kontra e instituto

Sra. Margit de Freitas: SSC ta un

instituto responsabel

WILLEMSTAD.-
Kontrali na informashon
ku a sali den medio di
komunikashon, Fundashon
pa Finansiamentu di Estudio
(SSC) ta usa tur e supsidio
ku e ta risibí di Gobièrnu
pa finansiá studiante. No
ta korekto ku gerensia di
SSC lo ta usa plaka ku ta
destiná pa studiante, pa
otro kos. No ta korekto
tampoko ku gerensia di SSC
lo ta intimidá trahadónan
i obligá nan aktua kontra
regla eksistente. Asina
EXTRA por a komprondé for
di un kombersashon ku sra.
Margit de Freitas, direktora
di SSC.

Segun e instituto, for di
momentu ku e gerensia i
Hunta di Komisario aktual a
kuminsá ku su trabounan na
SSC na 2011 el a introdusí
un maneho responsabel
ku tin komo meta pa laga
e organisashon kumpli ku
reglanan moderno di un
instituto finansiero. Esaki
a enserá entre otro ku
mester a introdusí diferente
‘checks and balances’ ku
no tabata presente den e
organisashon.

Esaki a duna e resultado
antisipá, i asina por mira ku
pa promé biaha den historia
di SSC e organisashon a
logra kresementu di su
kobransa di un forma
struktural. Asin’ei tambe
e organisashon a logra
outomatisá su prosesonan
di tal forma ku a eliminá
diferente riesgo indeseá. Pa
loke ta trata e servisio ku SSC
mester brinda di akuerdo
ku e maneho di Gobièrnu,
SSC a logra introdusí
e posibilidat pa risibí
finansiamentu pa studia
den region, a introdusí
un preparashon hopi mas
intensivo di e studiantenan
ku ta bai studia pa yuda
nan traspasá e fase di
ta un alumno i bira un
studiante lokual a sòru pa
mihó resultado akadémiko
di e studiantenan,
espesialmente esnan na
Ulanda. Ademas di esei
gerensia a sòru pa un

Sigui lesa pagina 39