Page 46 - Extra-Djarason 3 Mei 2017.pdf
P. 46
46 Djarason 3 Mei 2017
Tapa di riolering
bashando aden
WILLEMSTAD.- Den Punta Cardonweg nèt yegando
e skina ku Tia Juanaweg tin un tapa di Riolering ta
bashando aden. E ta kousando un peliger pa tráfiko ya
ku e outomobilista ku ripar’é na tempu tin di desviá i
baha for di kaminda miéntras esun ku no tuma nota di
dje ta dal ku su outo den dje. I kada bes e tapa aki ta
bai mas aden. Ta pidi outoridatnan konserní pa tuma
nota di e situashon aki.
Fundashon Tur Ta
Konta ta deseá tur
alumno di grupo 8
hopi éksito !
WILLEMSTAD.-
Fundashon Tur Ta Konta
ta deseá tur alumno di
grupo 8 hopi éksito ku e
Pruebanan Final di EFO. Di
tur e alumnonan akí tin 57
alumno na 12 skol di Kòrsou
ku a risibí un yudansa,
guia èkstra ku aritmétika
i matemátika pa medio di
boluntario di nos fundashon
durante e aña eskolar akí.
Pa medio di Fundashon
Tur Ta Konta aktualmente
132 alumno den e gruponan
6, 7 i 8 den enseñansa di
fundeshi ta wòrdu yudá i
guiá.For di komunidat nos
ta risibí señalnan ku tin mas
nesesidat pa guia i yudansa
ku aritmétika i matemátika.
Un yamada na un i tur
ku ta sinti nan mes yamá
pa duna un aporte positivo
na e desaroyo di aritmétika
i matemátika di un mucha,
pa inskribí komo tutor di
aritmétika pa medio di nos
wèpsait www.turtakonta.
com
