Page 151 - MIN VOS_Neat
P. 151
Royal Power Tat Fat ta splits su serie cu Balashi Premuim cu
un No Hit no run di Jomark Flanegin
Sunday, 11 June 2017 10:45
Comparti
Campeonato HEINEKEN di Aruba Softball Bond dedica na dos baluarte Sra. Bertha Wolf Croes y
Eugenio “Tan” Helder a continua riba veld di Flatstone. Den categoria AA Royal Power Tat Fat Home
Depot a hunga su double header contra e fuerte equipo di Balashi Premuim.
Den e promer wega empata 3-3 te den di 4 inning e muchanan di Balashi Premuim ta rally pa bay ariba
7-3 unda finalmente nan ta sali victorioso 10-5. Balashi Premuim 10 careda, 5 hit, 3 error. Royal Power
Tat Fat Home Depot 5 careda, 5 hit, 2 error. E hoben pitcher den desaroyo Giancarlo Gomez kende ta
ricibi relevo di Erick Henriquez den di 4 entrada ta bay cas cu e victoria regalando 6 base por bola den
combinacion. Jair Thompson a cuminsa skerpi pa Royal Power pero ta descontrola y ta wordo releva pa
Kelvin Silvania den di 4 entrada. Hunto nan ta permiti 6 base por bola lansando 6 strike out. Pa Balashi
Premuim a destaca na bate Nathan Berkel 3-2, Sando Geerman 2-1, Egimar Lampe 4-1 y Gerald
Werleman 3-1. Pa Royal Power Tat Fat a luci Darwin Escobar, Gregory Krosendijk y Jorge Wouters tur di
2-1, Luis Pelayo di 1-1. Den di dos partido di anochi Jomark Flanegin e MVP di aña 2016 a baha hopi
skerpi riba monticulo. Jomark tabata tirando un “perfect game” te den di ultimo entrada unda riba un
strike out cu a pasa bay laga e cátcher unda e cátcher ta reaciona rápido tira primera den un bang bang
play e coredor ta jega safe y ta kibra su “No Hit No Run”. Jomark Flanegin ta bay cas cu e victoria
propinando e muchanan di Balashi alaves un total di 8 strike out. Royal Power 7 careda, 7 hit, 0 error.
Balashi Premuim 0 careda, o hit, 3 error. Mihor bateadornan pa Royal Power Tat Fat Home Depot a
resulta di ta Kenny Hart di 4-3, Giandrick Lacle 3-2, Darwin Escobar y Luis Pelayo ambos di 3-1.
Campeonato ta continua Dialuna 12 di Juni 715pm na Pos Chiquito unda Blackhawks lo enfrenta
Celebtities y pa 9pm Predators lo midi forsa contra Logros. Diamars 13 di Juni na veld di Dragon Hitters
Spuiters y Piratas lo topa otro den un doublé header mientras diaranson 14 di Juni na Dragon Hitters
Pizza Hut Monster lo enfrenta Balashi Premuim den nan doublé header cuminsando pa 715pm. Weganan
di softball fast pitch den pleno desaroyo!!!!
