Page 38 - MIN VOS_Neat

ORANJESTAD, Aruba

E campeonato di play-off 2016/2017 a termina diabierna nochi. E 2 ekiponan cu lo topa otro den
final e biaha aki lo ta RCA y Deportivo Nacional. Sport Vereniging Racing Club Aruba (RCA) a

titula campeon aña pasa, pues lo haci tur lo posibel pa e mantene su trofeo. Deportivo Nacional a
titula campeon den e campeonato 2006-2007, pues 10 aña pasa.

Diahuebs anochi RCA a sorprende Britannia cu un victoria di 1-0 cu gol di Jean-Luc Bergen. Na

diferente ocasion ambos team a busca pa pasa defensa pero na final RCA a bay cu e victoria.

Diabierna anochi tabatin presion riba Dakota y Deportivo Nacional pasobra ambos team kier yega
final. Den e prome 10 minuut Dakota a bay ariba cu gol di Emile Linkers, mientras cu faltando algun
seconde prome cu e mita tempo termina, Roy Francis Albert a empata e wega. E wega a termina

empata y esaki a pone cu pa averahe di gol Deportivo Nacional a pasa pa final.

Diasabra 17 di Juni proximo e prome wega di “Best out of 3” di e final lo tuma luga, unda RCA lo ta
defendiendo su titulo contra Deportivo Nacional. Fanaticonan yega stadion diasabra anochi y mira

ken lo bay cu e prome victoria. A funda Arubaanse Voetbal Bond na aña 1932 y a afilia na
CONCACAF na aña 1986 y despues na FIFA na aña 1988. E ta e organisacion cu ta maneha futbol
amateur y profesional riba nos isla, incluyendo e muchanan, hoben, hende muhe y adultonan. E ta

responsabel pa sanciona e refereenan y e torneonan di futbol organisa pa mayoria liga. Nan oficina ta
situa den Compleho Deportivo Frans Figaroa na Noord.