Page 57 - MIN VOS_Neat
P. 57
AWEMainta Dialuna, 12 Juni 2017 17
Joshua Klabér a gana plata y Záhyon Klabér
Joshua Klabér a gana plata y Záhyon Klabér
di Brazil Taekwondo a gana oro n’e di 10 Surinam Open
di Brazil Taekwondo a gana oro n’e di 10 Surinam Open
DEN fin di siman a tuma lugar e di 10 Surinam Open y Aruba a
participa cu 4 atleta, Lixjandra Bello, Joshua Klabér, Zahyon Klabér
y Jourdé Klabér di Brazil Taekwondo Stichting.
Lixjandra Bello a perde su prome pelea 8-5 contra di Ajodhia An-
nalisa for di Frans Guyana. Jourdé Klabér a perde su prome pelea
2-1 contra di Juan Paiman for di Surinam.
Joshua Klabér a gana su pelea y Joshua Klabér a yega den final.
Den final Joshua Klabér a topa cu Leon Thakoer for di Surinam
y a duna Leon Thakoer un reto grandi te na final.
Leon Thakoer a gana for di Joshua Klabér den pasado, pero e biaha
aki e tabatin masha miedo di Joshua Klabér. Joshua Klabér a pone
Leon Thakoer bou di presion te n’e ultimo seconde, pero no tur
e refereenan nan wowonan tabata habri p’e ultimo head shot cu
a costa Joshua Klabér su ultimo 3 punto pa su victoria y e score a
termina 8-7 pa Leon Thakoer.
Záhyon Klabér tabata e centro di atencion na Surinam, pasobra
su contrincantenan a bin cu tur locual cu nan tabatin aden pa
Záhyon Klabér cu mester a bringa pa yega final pa despues e topa
Aden Ramial for di Surinam den final.
Den final Záhyon Klabér mester a bringa hopi contra atake p’asina
el a retene su puntuacion for di e prome rond 2-1 te na final.
Aden Ramial a lucha y a lansa tur sorto di atake pa por a logra
score, pero Záhyon Klabér a block y protega su puntuacion p’asina
sali victorioso cu un score di 2-1 y asina el a sigura su oro n’e di
10 Surinam Open.
Dianne Ponson a coach e team di Aruba pa prome biaha y a haci
un bon trabou den e parti di coaching. Un pabien grandi ta bay
n’e team di Aruba cu a sa di saca e cara di Aruba un biaha mas.
