Page 6 - HOH
P. 6
30 AWEMainta Diaranson, 17 April 2024
Horacio Oduber Hospital ta recorda dr. John Leo:
Ex- director cu a pone hopi enfasis riba calidad di cuido
DR. John Leo a nace na Aruba y a establece na Hulanda na
aña 1952 despues di a cuminsa HBS. Na Hulanda el a sigui
scol secundario na Nijmegen y despues a dicidi di sigui su
carera den medicina. Na aña 1963 dr. Leo a regresa Aruba
como un dokter di cas. Algo cu nunca el a lubida ta cu den
corto tempo el a atende mas di 150 parto na cas. Hasta na
casnan caminda no tabatin coriente y pues mester a haci
uzo di flashlight.
Despues dr. Leo a dicidi di bay specialisa su mes na Merca y
a scoge specialisacion di transplante. Despues di a logra su
specialisacion el a bay traha bek na Hulanda.
Na aña 1988 dr. Leo a asumi e gran responsabilidad di
director di nos hospital. Durante su trayecto como director
nos hospital a conoce hopi cambio, entre otro mas special-
ista nobo. Specialismonan a expande masha hopi mes y mas
di admira ta cu a trece un CT-scan Aruba, di cual prome cu
esey pashentnan mester a bula bay Corsou of Venezuela pa
haci e test aki. Tambe loke ta echografia a conoce un desa-
royo enorme.
Un cambio hopi bunita cu dr. Leo tambe a haci ta riba e parti
di facilidad y calidad den informacion y tambe comodidad di
e pashentnan. El a zorg pa tin un bali di informacion, muray-
anan bashi y tambe un interior mas ameno pa pashentnan.
Horacio Oduber Hospital ta sumamente gradici na dr. Leo pa
su gran trabou den loke ta cuido medico na Aruba durante
su periodo como director. Pa su tremendo vision cu e tabatin
den cambionan pa nos pashentnan y mas ainda pa e pensa- Hunta di Directiva, management y staff di Horacio Oduber
mento fuerte cu dr. Leo tabatin y tabata expresa di e forma Hospital ta desea famia completo, ex- coleganan, amistad
aki: “Nos ta trata di no duna pashent motibo di desconfiansa. y conoci hopi forsa cu e perdida di e gran dokter y gran
Paso si bo no tin confiansa di pashent bo no ta logra nada.” persona cu dr. Leo tabata.
