Page 2 - MIN ON_Neat

“Back To School” Na Museum Of Industry Y

Community Museum

 Local

 Social
- 07/08/2017

E muchanan a logra disfruta di un dushi vakantie y awo ta tempo pa cuminsa prepara pa
bay bek scol. Den e di nuebe edicion di Experience San Nicolas, cu lo tuma luga
diadomingo 13 di augustus, Museum of Industry (MoI) y Community Museum (CM) ta
invita henter pueblo di Aruba, en especial nos muchanan, pa nan bin San Nicolas y
conoce un tiki mas over di nos historia.Rib’e dia aki ambos museo lo ta habri di 10’or di
mainta te cu 2’or di merdia y entrada lo ta na mita di prijs na tur dos museo. Na Museum
of Industry lo wordo ofreci un tour special 12’or di merdia na tur cu kier haya sa mas
detaye di nos bunita historia.Pa haci e bishita mas interactivo p’e muchanan, lo tin e
opcion di por haci un speurtocht na MoI y/of CM. Di e manera aki nos kier activa e
curiosidad di e muchanan y tambe sigura cu nan ta pasa un rato agradabel n’e
museonan.Ademas di e speurtocht, tur mucha cu pasa bishita nos lo participa
automaticamente den nos raffle cu lo tin diferente premio atractivo, e. o. entrada pa
Ostrich Farm, entrada pa Philips Animal Garden y hopi mas.Bishitanos na Sunrise City,
pasa un dushi rato den famia y laga e muchanan bin conoce nos museonan den un manera
dibertido. Si tin cualkier pregunta, por tuma contacto cu nos na 584-7090 of por manda
nos un email na infomuseumofindustry@gmail.com.

Tambe por sigui nos riba Facebook pa keda informa tocante tur nos actividad