Page 35 - MIN ON_Neat

AWEMainta Dialuna, 7 Augustus 2017 23

Resto di studiantenan a yega bon Hulanda DEN HAAG – Den fin

di siman cu a pasa e grupo
di 13 studiante cu a keda
pega na Aruba a yega Hu-
landa. Un parti di grupo a
yega diasabra 5 di augustus,
mientras cu e resto cu a
consisti di dies studiante a
yega un dia despues, esta
diadomingo 6 di augustus.
Esaki debi cu e avion di
COPA Airlines cu mester
a hiba nan Panama pa co-
necta rib’e vuelo di KLM, a
yega cu retraso Aruba.

Riba tur dos dia e studi-
antenan a wordo ricibi na
Schiphol pa directora di
Arubahuis Shandra John,
functionarionan di depar-
tamento di Enseñansa di
Arubahuis, mentor y miem-
bronan di e “Plaatselijke
Opvangcommissie” (POC).

Shandra John a bisa na
Schiphol na e studiantenan
cu e ta contento cu porfin
despues di asina hopi con-
tratiempo e ultimo grupo di
studiante a yega Hulanda ‘E
POC di e ciudadnan con-
huntamente cu e mentor a
zorg pa entrante dialuna tin
un programa di “opvang”
igual na loke e otro stu-
diantenan a haya. Nan ta
zorg pa tur boso asuntonan
oficial keda regla pa boso
por cuminsa cu boso estu-
dio sin ningun problema,’
asina directora di Arubahuis
Shandra John a bisa.

Arubahuis ta hopi gradi-
cido na e mentor y e grupo
di POC cu a pone mas
tempo disponibel p’asina
e studiantenan aki ricibi e
informacion y prepraracion
necesario, apesar cu nan a
yega Hulanda despues di e
periodo stipula.

Di e grupo di 13 hoben,
ocho studiante ta pa Den
Haag, dos ta bay Utrecht,
un ta pa Rotterdam, un ta
bay Leeuwaarden y un ta pa
Amsterdam.