Page 2 - FDLP
P. 2
Diamars, 28 Januari 2020 AWEMainta 9
Accidente na crusada di Meiveld
unda tabatin 6 criatura den auto,
un persona a resulta herida
DIALUNA merdia pa mas o menos 1:30 Polis a bay e
cruzada di Meiveld cu ta bay pa Rooi Afo, unda a sosode
un accidente di trafico cu hende herida.
Na yegada di Polis nan ta topa dos auto un Nissan sta-
tionwagon RHD y un auto Honda.
Den e Nissan tabatin 6 criatura cu nan tas di skol, po-
siblemente nan lo a caba di skol. Danki Dios ningun di
e criaturanan a resulta herida, pero por a mira un susto
riba nan cara.
Loke a sosode tabata cu e Nissan lo no a duna e Hon-
da maneha pa un dama biniendo di pariba preferencia.
Pues aki ta unda e Nissan RHD a dal e Honda banda
drechi padilanti, poniendo esaki spin pa despues keda
cara cu cara.
Azeta di motor di e Honda a basha y esaki sigur lo mes-
ter wordo tapa cu tera p’asina evita otro accidente.
Na yegada di ambulance, e Paramediconan mesora a
bay atende cu e dama pasahero den e Nissan RHD, debi
cu tabata keha di basta dolor na brasa y resto di curpa.
