Page 35 - FDLP
P. 35
E careda a start for di 6:00am caba, pa cual e participantenan a cuminsa yega for di
masha trempan mainta caba. Ta nota un crecemento grandi den interes pa e evento, tanto
na participacion, boluntario, como na publico apoyando e participantenan banda di
caminda.
MAS PARTICIPACION CU AÑA PASA
E aña aki a cobra Afl. 25 pa participacion local y $20 pa participantenan internacional.
Mester menciona cu e participacion tabata miho cu aña pasa, unda cu na inscripcion
tabatin 1000 persona di cual 80% a presenta riba dia di e careda. E aña aki un total di
1125 persona a inscribi, di cual 96% a presenta tambe riba dia di e evento!
E RESULTADO:
Den categoria di “10KM Run Male”, e ganado a resulta Alexander Hodge cu a core den
36 minuut y 27 seconde. Den categoria “10KM Run Female, e ganado tabata Lana
Gobert cu a core den 41 minuut y 51 seconde. Den categoria di 6KM Walk & Run Male,
e ganado ta Andre Angela, cu a logra yega final den 21 minuut y 34 seconde, mientras cu
e mesun categoria, den hende muhe, e premio a bay pa Vera-Elise Bakmeyer cu a finalisa
e careda den 26 minuut y 59 seconde.
