Page 6 - AWEMAINTA
P. 6
6 AWEMainta Dialuna, 3 Februari 2020
Dama adicto a
dal auto horta
kibra y baha
bay lage, pero a
hay’e y a detene
DIASABRA merdia informacion a drenta
di un accidente altura di Setar na Blanco.
Na yegada Polis a topa cu un Toyota cu a dal
contra un pal’i luz, pero e chauffeur mes a
sali cana bay.
Esnan cu a mira kico a pasa a splica Polis cu
lo tabata trata di un dama.
Mesora esaki a cende un luz cerca e agen-
tenan policial. Debi cu mainta un Toyota a
wordo horta for di Citgo Tanki Leendert y lo
ta un dama tabata na stuur.
Pues e auto riba dje cu el a horte el a dale
kibra tambe. Polis a bay busca y a bin haya e
dama den Edisonstraat.
A resulta cu ta un dama adicto conoci di nan.
Mesora a bay over pa aresta e dama.
E dama cu tabata intoxica probablemente di
tanto droga y alcohol. Durante su detencion
el a haci poco fastioso, pero Polisnan tabata
sa di domine. El a wordo hiba den transport-
wagen pa Warda di Polis na Shaba.
Manera a bisa anteriormente, e Toyota a wor-
do horta for di parkeerplaats di Citgo Tanki
Leendert den oranan tempran di mainta.
