Page 16 - AM221031
P. 16
Deporte AWEMainta Dialuna, 31 October 2022
Ekipo di Caiquetio
dunando un man
na nan propio club
ekipo di SV Caiquetio di Prome Division cu
E ta invicto keto bay den e campeonato 2022-
2023 y tambe a gana su dos weganan den e tor-
neo di Copa di Betico, a reuni diadomingo main-
ta na e tereno di futbol na Paradera.
Aki hungado a lanta mainta tempran y en coop-
eracion cu algun dirigente y boluntarionan, a
dicidi di duna e tereno un “goeie beurt” cortando
yerba y otro matanan cu a yena rond y riba e
tereno cu e yobida di ultimo simannan.
Fuera di e bon obra e momento a sirbi pa e grupo
uni mas na otro y pasa algun momento ameno
cu otro caminda na final di dia, tabatin cuminda
y cos di bebe pa tur hende.
Gradicimento ta bay na Mama di e hungado
Emyjean de Cuba y Mama tamb e di Willem
Werleman kendenan a prepara un tremendo
‘aroz con pollo’ cu batata herbi cu a baha hopi
bon despues di e trabou.
E siguiente wega diCaiquetio lo ta diabierna
venidero 4 di November pa 8’or den Compleho
Deportivo Frans Figaroa na Noord y un invitacion
ta bay na tur fanatico di futbol pero di Caiquetio
en particular, pa yega stadion di Noord y brinda
e dos ekiponan apoyo den e competencia aki.
16
