Page 7 - AB
P. 7
Diabierna, 22 September 2023 AWEMainta LOCAL 7
Marina ta intercepta casi un tonelada
di cocaina den Region Caribe Hulandes
r.Ms. Groningen a interceptá casi 1.000 kilo
Zdi cocaina, durante 2 captura di droga den
Region Caribe Hulandes. Esey a sosode ya caba
riba dianan 11 y 12 di September ultimo, pero
awe numa a keda publica. Durante prome cap-
tura e sospechosonan a entrega nan mes numa
despues di tironan di advertencia.
Den ambos caso Zr.Ms. Groningen a keda
informá pa un avion di patruya Mericano tocante
e go-fastnan sospechoso. Riba esaki e boto
rápido di intercepcion FRISC a drenta accion. Na
bordo di esaki tabatin no solamente tripulacion
di Groningen, pero tambe un delegacion di ‘US
Coast Guard’ Wardacosta Mericano.
Durante e prome accion e sospechosonan no
tabata kier a entrega nan mes facilmente. Esaki
a sosode numa despues di tironan di adver-
tencia. Durante e di dos accion esaki no tabata
necesario. Tur e sospechosonan ademas di e
total di mas o menos 985 kilo di contrabanda, a
keda entrega na e Mericanonan. Nan lo sigui cu
e persecucion legal.
Barco patruyero
Zr.Ms. Groningen for di mei 2023 ta activo den
Region Caribe Hulandes como barco di patruya.
E barco di Marina Hulandes entre otro ta keda
desplega durante di operacionnan anti droga.
Esaki e ta haci hunto cu Wardacosta Region
Caribe Hulandes y Wardacosta di Estados Unidos
di Merca.
