Page 64 - MIN ON
P. 64
E scolnan hunto cu Ministerio di Enseñansa a bishita scolnan secundario y EPI. A tene un
bishita prome cu apertura di EduCanada Fair, unda cu a splica e studiantenan kico ta e
oportunidadnan pa sigui studia na Canada den diferente area di nan interes. E relacion di
trabou entre Canada y Minister di Enseñansa, Michelle Hooyboer-Winklaar ta uno bon.
“E tabata habri pa traha cu nos”, Victor Stott a splica. Minister Hooyboer-Winklaar a
yuda na bin cu oportunidadnan pa studiantenan di Aruba pa haya un miho oportunidad na
Canada, pero tambe a habri un mercado nobo di oportunidad cu no ta solamente Hulanda
y Merca.
E mercado di Canada ta un sociedad habri y multicultural, di cual ta duna bon bini na
studiantenan di cualkier parti di mundo. “Nos ta encanta pa ricibi studiantenan di Aruba
pa bin na nos universidad y college”, el a duna di conoce. El a indica cu na Canada tin un
nivel excelente di educacion cual ta un di esunnan mas halto di mundo. E scolnan ta
envolvi den e “research and development”, di cual mas di 30% di esaki ta tuma luga na
Canada y e ta tuma luga den e universidad y college.
Minister di Asuntonan Economico y Telecomunicacion, mr. drs. Richard Arends, tambe
tabata presente y el a duna di conoce cu Canada ta un partner caba di gobierno den tereno
di energia y tecnologia limpi, pero awo den estudio. Minister Arends a aplaudi
iniciativanan di Ministerio di Enseñansa. A brinda mas diversificacion y mas opcion pa
studiantenan.
