Page 77 - MIN ON

servicio di Gobierno. Entre otro nan mester tin bon conducta, no ta conoci na polis, ni na

Ministerio Publico.

Tambe nan mester ta medisch gekeurd. Nan mester a pasa diferente test, manera

psychologische test, y otro testnan cu ta mara na exigencianan pa bira Douanero.

Exigencianan

Segun Lares, e proceso ta riguroso. Hopi hende ta mira un funcion den Gobierno, vooral

den un departamento cu ta serio y tin un tarea asina importante riba nos pais, cu bo kier ta

parti di un proceso di un organisacion asina grandi y respeta, no solamente den pais

Aruba, sino tambe den comunidad internacional y vooral, mirando con e desaroyo ta

awor aki den e departamento aki.

Lares ta forma parti di Gobierno pa hopi aña y ta mira den e ultimo añanan, vooral den

ministerio di finansas di cual nan ta forma parti di dje, ta yuda diferente departamento

den nan parti di maneho di personal.

A haya un persona cu ta atende cu maneho di personal interno y hunto cu e conseheronan
di HR, a yuda den guia e proceso pa trece e aparato publico, riba e nivel y calidad mas

halto. Esey ta nifica, cu ora cu ta bin cu un calidad di personal mas halto, esey ta nifica cu

e integridad tambe ta subi. E ora no ta hinca cualkier hende pa traha den funcionnan asina

vital y di gran risico cu tin cun’e.