Page 9 - IVA

AWEMainta Diamars, 31 October 2017 33

Noticia Internacional

Presidente di Colombia ta bisa cu intentonan pa

yuda Venezuela sali for di su crisis a fracasa

DEN declaracionnan ofreci na Universidad di Ottawa, na Canada, e Presi-
dente colombiano Juan Manuel Santos a reconoce cu “nos ta hopi activo
purbando di busca un solucion pacifico na e problematica aki, pero lasti-
mamente nos a fracasa.”

E Presidente colombiano, cu ta cumpliendo cu un bishit protocolario di
dos dias na Canada, a bisa bon cla cu lo ta necesario pa insisti y purba di
haya e medidanan cu lo permiti pa su pais bisiña supera su actual crisis
social y politico.

Dialuna a keda conoci cu e partidonan di oposicion, Voluntad Popular, Prim-
ero Justicia y Accion Democratica, a anuncia nan decision di no participa
den e votacionan municipales convoca pa e regimen di Nicolas Maduro,
cual nan ta señala como fraudulento.

Venezuela ta enfrentando di igual manera un crisis severo den loke ta e
parti social, cu ta keda manifiesta no solamente den e falta di productonan
basico, sino den sectornan sensibel manera esun di salud publico cu escaces
di remedinan y carencianan elemental den servicionan basico.

Pa loke ta trata e postura recien di e oposicion venezolano den e enfrenta-
mento na e decisionnan di Maduro, y na e proceso reciente di eleccion di
gobernadornan, Santos a comenta cu “nan no ta hopi logico of nan no ta
mucho uni” y e regimen di maduro a sa di probecha esey pa dividi y vence.

ISIS a menasa un otro astro mundial di futbol

ISIS a reafirma nan mena-
sanan contra e organisacion di
e Mundial di Rusia 2018.
E biaha aki, e target di nan
advertencianan violente ta e
futbolista portugues Cristiano
Ronaldo, kende ta aparece
como protagonista riba un
poster nobo cu supuestamente
e grupo terorista a share riba
medionan social.

“Nos palabranan ta loke bo
mira y no loke bo ta scucha.
E ora ey bo tin di djis warda.
Nos lo ta wardando tambe”, ta
e frasa cu tin skirbi rib’e poster
menasante aki, unda cu por
mira un imagen manipula na un
manera hopi violento di e fut-
bolista di Real Madrid, kende lo
hunga na Rusia representando
e seleccion di Portugal.