Page 8 - DIARIO 14 APRIL 2022 COMPLETO.indd

PAGINA 8 DIARIO DIAHUEBS 14 APRIL 2022
Futbolistanan hoben di Aruba y Antias
a pasa pa e semifinal di e torneo World
Challenge Cup na Spaña

ORANJESTAD (AAN): Futbolistanan hoben di Aruba y
Antias ta briyando den World Challenge Cup na Spaña y
a logra pasa pa e semifinal di e torneo World Challenge
Cup na Spaña.
Hungando pa e team di Antias tin varios futbolista di Aruba,
Boneiro, Corsow y St Maarten, cu ta representando nos re-
gion den e Challenge Cup na Valdebebas, na Madrid, Spaña.
E hoben hungadornan di U12 a viaha pa Euro-
pa pa participa den torneo Challenge Cup. Aru-
ba ta ser representa pa Daniel Spitaleri, Carlos
Naranjo, Zidane Garcia, Edson Erasmus y Ortiz.
Antias a gana tres wega caba contra di Fun-
dación Real Madrid (ESP), Merca y Canada.
Nan a pasa pa e semifinal di e torneo World Chal-
lenge Cup, na e Ciudad Real Madrid de Valdebebas.
E hobennan cu ta representa Antias a wordo sco-
gi pa Fundacion Real Madrid durante e Cli-
nica di Futbol organiza den e islanan aki.
DIARIO ta desea hopi exito na tur nos muchanan cu
ta haciendo un tremendo presentacion na Europa. Nos
muchanan merece un gran pabien desde awor caba! Aru-
ba y tur e islanan sigur ta orguyoso di boso.