Page 8 - Aruba Bank 6 Feb''15

Aruba Bank ta busca: E trailer mas creativo riba ruta di
carnaval di Oranjestad

Thursday, 05 February 2015 15:35
Comparti

Aruba Bank ta celebra su 90 aniversario cu hopi alegria y dunando realse na un di e temporadanan mas
alegre y creativo di aña, esta celebracion di nos di 61 aña di carnaval.
Participantenan no mester ta cliente di Aruba Bank. Simplemente mester demostra nan creatividad
carnavalesco uzando e slogan y logo di e celebracion di e 90 aniversario di Aruba Bank pa decora nan
trailer/kavel. E logo di 90 aña di Aruba Bank ta riba Facebook pa tur hende mira y inspira pa presenta e
kavel/trailer cu lo causa mas impacto.
E ganadonan di e contest di kavel di carnaval lo ricibi placa efectivo como regalo pa inverti of disfruta di
dje con cu nan mes ta desea.
Aruba Bank ta regalando un total di 4500 florin: e prome premio ta 2500 florin, e di dos ta 1500 florin y
e di tres premio ta 500 florin cash.
Pa participa ta simpel: laga bo talento y creatividad los y decora bo kavel cu e logo di 90 aña di Aruba
Bank y e slogan “Celebrating our journey…Inspiring the future”.
Aruba Bank a ricibi potret di algun trailer/kavel caba y e competencia ta fuerte! Tur persona y grupo cu
ta desea di participa cu nan bunita diseño mester manda un of mas potret di nan kavel/trailer na
email90years@arubabank.com. E ultimo fecha pa manda bo potret(nan) ta diadomingo, dia 8 di februari,
2015.
Aruba Bank lo anuncia e kavel/trailernan ganado prome cu e Parada Grandi di Carnaval, esta den e
siman di dia 9 di februari, 2015. E anuncio lo sali den medionan di comunicacion y via di canalnan di
social media.
Aruba Bank ta desea bo un dushi temporada di Carnaval!