Page 35 - ARUBA BANK

parlamentario ta

kedando keto!

Published on March 13, 2017 in Politica
ORANJESTAD, Aruba

Den e ultimo simannan UPP a tuma nota cu diripente tanto sr. Frensel Giel como sr.
Hodgson ta haciendo nan maximo esfuerso na purba di tapa e retraso enorme cu tin
den e proyecto mafioso di e “vernieuwbouw” di HOH. Ya caba na cuminsamento di
2011 UPP a adverti pa desaroyonan cuestionabel cu ta tumando lugar y UPP lo no
cansa di keda mustra riba henter e mafiamento cu tin desde principio di e proyecto aki.
UPP no tabata keto keto of bira nos cara otro banda, pero nos SI a sigui den e
lucha pa mustra con tanto ministernan Visser, Eman, Mike de Meza y Benny Sievinger,
hunto cu e muchanan manda den e Infra-team, AIB/SOGA como tambe e Raad van
Bestuur di HOH tabata haci nan maximo esfuerzo pa duna e super mafioso Bermello e
proyecto aki sin ningun tipo di destaho publico. Ta danki na e esfuersonan aki, cu
gobierno toch a disidi pa tene un “destaho publico” cu despues a bin resulta den
simpelmente fixmento di deal. A purba di convence sindicatonan y otro partidonan
politico di e mafiamento aki, pero lamentabelmente e sindicatoan y 21 parlamentarionan
a prefera di bira nan cara y keda keto. Tin un lider sindical di e tempo ey cu awe ta
miembro di parlamento tambe a scohe pa keda keto. Sinembargo awe un biaha mas
nos ta haya razon.

Na fin di aña 2015 hopi tabata e discusion riba e cambernan di operacion. Tabata tin
reunionnan di parlamento riba e topico aki y a wordo priminti cu lo haci un investigacion
y bolbe parlamento bek pa por haya un acuerdo pa aumenta e suma disponibel pa e
proyecto. Te awe ni fu ni fa. E proyecto di e OK-nan a ser duna na Arrellano siendo cu
tin un grupo hulandes cu a duna un oferta hopi mas abou cu Bermello y Arrellano. E
tempo ey ni Giel ni Hodgson no a bin bisa pueblo nada. Minister Schwengle a hasta
priminti cu tur hende bay na AIB/SOGA y wak tur cos, ya cu e documentonan ta na
disposicion di pueblo. Pero e tempo ey Giel y Hodgson a simplemente ignora un
peticion official di UPP pa haña e documentonan al respecto. Nan a simpelmente
escohe pa duna nan “partners in crime” e trabow. Nos tin comprendi tambe cu ningun
parlamentario no a pidi pa wak e documentonan. Un biaha mas UPP a mustra riba e
mafiamento aki. Un biaha mas sindicatonan y 21 miembro di parlamento a keda keto.

Awor na februari/maart 2017 a bin sali na cla cu tin HOPI reto cu mester a confronta.
Papia hopi sin bisa nada concreto. Dicon no ta duna copia di estudionan haci di e
tantisimo retonan cu tin? Cuanto e retonan aki lo bai costa nos pueblo? Originalmente
loke pueblo mester a bay paga tabata 970 miyon florin, awor parce cu e pueblo
Arubano lo mester bay paga mas di 1200 miyon florin of cu otro palabra 1.2 BIYON
florin.