Page 25 - 3nov2

DIABIERNA 3 NOVEMBER 2023 DIARIO PAGINA 25

Alumnonan di Colegio

Arubano recaudando fondo

pa bay Colombia

ORANJESTAD (AAN): E famoso “Havo 4 Studiereis”
pa cual Colegio a bira famoso pe den ultimo decadanan,
ta hiba grupo di e alumnonan aki di Bovenbouw pa
exterior pa asina den un siman di tempo conoce mas di
e mundo eyfo.
E biaha aki, nan ta trahando plannan pa haci un viahe
rumbo pa ciudad di Pereira, na Colombia. Nan lo ta
viahando cu total di 140 persona, cu ta inclui alumnonan
di Havo 4, Vwo 4, y docentenan cu ta bay duna guia.
Relaciona cu tur gasto y preparacion, nan lo organisa
varios evento pa recauda fondo pa asina reduci e suma di
placa cu cada uno tin di paga.
Relaciona cu esey, den fin di siman cu a pasa nan a
tene e prome actividad di recauda fondo pa alumnonan
di Trayecto 1, y esaki tabata un Car Wash riba tereno di
scol mes den Vondellaan. Nan a indica cu e tabata un
evento exitoso di recauda fondo.