Page 41 - Extra 23jan,2016

Djasabra 23 Yanüari 2016 41

LEI 80/20
TA NA

KAMINDA
AWOR SI

WILLEMSTAD.- E
konsepto di lei di 80/20
ta mas importante i
primordial ku nunka. E
ta mas al kaso ku nunka.
Gobièrnu ta trahando
riba dje pa pone e último
tokenan.

I tur kos ta indiká ku den
luna di febrüari benidero
lo bai trata i akordá e lei
den Parlamento.

Asina Minister di
Asuntunan Sosial i di
Labor, sra. Ruthmilda
Larmonie-Cecilia, a
duna di konosé den un
enkuentro ku prensa e
siman aki.

Segun e mandatario,
e lei aki ta enserá ku na
momentu ku un kompania
ta empleado trahadónan,
ku e tin di tuma 80
porshento di hendenan
lokal, miéntras ku e
sobrá 20 porshento por ta
estranhero.

LEI DI RETIRO

Pa loke ta e Lei di Retiro
ku tin hendenan ku ta pidi
pa ser reevaluá i trese
ahuste den dje, e minister
a deklará ku e no ta mira
ningun motibu pa kambia
nada den e lei.

Echo ta ku mas di 90
porshento di petishonnan
pa retiro ta ser honrá, pues
e lo ke tende di komersio
ta kiko nan ke pa kambia
òf kita den e lei.

Si un persona òf
instansha lo ke mira
kambio den e lei, anto e
lo tin di aserká gobièrnu i
splika kiko t’e kambio.

Segun sra. Larmonie-
Cecilia, si tuma nota di
e kontenido dje Lei di
Retiro, e ta kumpli ku tur
rekisito, i pues e no ta
mira ningun motibu dikon
mester kambia e lei.