Page 22 - MIN JUS 28 JUNE 2017

Indicacion Fuerte Cu Landsrecherche Forzando

Ciudadanonan Pa Declara Contra Minister Paul

Croes

- 27/06/2017

Awe a drenta na nos redaccion e informacion cu aparentemente Landsrecherche ta
intimida y forsa ciudadanonan pa testigua contra nan boluntad contra Minister Paul
Croes.
E informacion aki a yega na nos oido despues cu un testigo a bin padilanti y informa mas
miembronan di Gabinete Mike Eman cu basicamente Landsrecherche kier pone palabra
den su boca y pone su persona firma locual e no a declara.Hasta a bay asina leu di trata na
intimida su persona cu si e no coopera e lo bay sera algun dia. Locual ta remarcabel cu ta
trata di busca prueba falso, pasobra manera nos a señala caba, den e caso di Minister Paul
Croes Ministerio Publico no tin prueba palpable pa persigui Minister Paul Croes y asina
por trata na saca algo.E persona aki a wordo interoga pa mas di 12 ora y den su propio
palabra “a puntre 200 biaha mesun pregunta y hasta a pone riba papel locual ami no a
declara”.
Si esaki t’e caso y e testigo aki testigua contra e investigadornan e caso ta complica ainda
mas locual e autoridadnan ta hasiendo.Tur cos ta mustra cu no ta hayando prueba
palpable contra e Minister encuestion, y ta pesey ta fabrica mentira contra e Minister.
E mesun testigo aki na mas cu un ocasion a bisa di no conoce Minister Paul Croes
personalmente, y cu hamas e Minister a pidi’e algo.
No ta relevante pa menciona nomber di e testigo aki, pasobra Landsrecherche mihor cu
tur hende sa kende(nan) nan a interroga ultimamente.

Tipo di informacionan asina ta trece aun mas duda den e forma di proceder di OM den
henter e caso IBIS aki contra Minister drs. Paul Croes
AWEMainta lo trata na localisa e testigo aki p’e bin afo pa denuncia e hecho aki
oficialmente contra Ministerio Publico y Landsrecherche.

Di parti di Ministerio Publico, nos no ta haya nada, y ta manera nos a publica caba, cu
nan ta prefera di keda keto y no kier reacciona riba nada.